ءۇيى سۋعا كەتكەن اقتوبەلىكتەردەن مىڭنان استام ءوتىنىش قابىلداندى

اقتوبە وبلىسى بويىنشا شىعىندى ەسەپتەۋ كوميسسياسى جۇمىسىن جالعاستىرىپ جاتىر. ولار ەكى كۇننىڭ ىشىندە 1237 ءوتىنىش قابىلدادى.

- وتىنىشتەر ەۆاكۋاتسيالىق پۋنكتتەردە جانە اۋداندارداعى اكىمدىكتەردە قابىلدانىپ جاتىر. ەڭ كوپ ءوتىنىش اقتوبە قالاسى الماتى اۋدانىنان تۇسكەن. مۇندا كوميسسيا 732 ءوتىنىشتى قابىلدادى. قۇجاتتار اقتوبەدەگى 18، 45، 8، 2، 14، 31، 22، 36، 26، 16، 40، 47، 30، 12، 5، 71، 53، 57 قىزىلجار جانە م. ارىن اتىنداعى مەكتەپتەردە جانە الماتى مەن استانا اۋداندارىنىڭ اكىمدىكتەرىندە قابىلدانادى. ال ويىلدا ش. بەكمۇحامبەتوۆ اتىنداعى مەكتەپ-گيمنازيا، بالالار مەن جاس وسپىرىمدەر سپورت مەكتەبى مەن اگرارلىق كوللەدجىندە، قوبدا، مۇعالجار، ايتەكە ءبي، تەمىر اۋداندىق اكىمدىكتەرى مەن ساركول، التىقاراسۋ جانە كەڭەستۋ اۋىلدىق وكرۋگتەرىنىڭ اكىمدىكتەرىندە ورنالاسقان، - دەپ حابارلادى اقتوبە وبلىسى اكىمىنىڭ باسپا ءسوز قىزمەتى.

ەسكە سالساق، بۇعان دەيىن اقتوبە وبلىسى بويىنشا 5 اۋدان مەن اقتوبە قالاسىندا توتەنشە جاعداي جاريالاندى. سايكەسىنشە كوميسسيا وسى اۋداندار مەن قالادا جۇمىس ىستەپ جاتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى