ءىستى بولىپ جاتقان تەلەگرام نەگىزىن قالاۋشى پاۆەل دۋروۆ فرانسيادان دۋبايعا ۇشىپ كەتتى

بۇل تۋرالى Agence France-Presse (AFP) وسى ىسكە جاقىن ءۇش دەرەككوزگە سىلتەمە جاساپ حابارلادى.

فرانسيادان كەتۋگە وسى ەلدىڭ سوت ورگاندارى رۇقسات بەرگەن.

دەرەككوزدەردىڭ ءبىرىنىڭ حابارلاۋىنشا، تەرگەۋشى سۋديالاردىڭ ءبىرى دۋروۆتىڭ سوت قاداعالاۋىن الىپ تاستاۋ تۋرالى ءوتىنىشىن قاناعاتتاندىرىپ، بىرنەشە اپتاعا فرانسيادان شىعۋعا رۇقسات بەرگەن. تاعى ءبىر دەرەككوز دۋروۆ مىنگەن ۇشاقتىڭ سەنبى كۇنى لە-بۋرجە اۋەجايىنان ۇشىپ شىققانىن حابارلادى.

ايتا كەتەيىك، وتكەن جىلدىڭ 24-تامىزى كۇنى دۋروۆ پاريجدىڭ لە-بۋرجە اۋەجايىندا ۇستالدى.

28-تامىز كۇنى ونىڭ الدىن الا ۇستاۋ شاراسى اياقتالىپ، كاسىپكەر سوتقا جىبەرىلدى. وندا سوت تەرگەۋشىسى دۋروۆقا ۇيىمداسقان قىلمىستىق توپ قۇرامىندا زاڭسىز ترانزاكسيالاردى جۇزەگە اسىرۋ ءۇشىن جەلىلىك پلاتفورمانى اكىمشىلەندىرۋ ىسىنە قاتىسۋدى قوسا العاندا 6 باپ بويىنشا ايىپ تاقتى.

مۇنداي ارەكەت ءۇشىن پاريج پروكۋراتۋراسىنىڭ مالىمدەۋىنشە، 500 مىڭ ەۋرو ايىپپۇل سالىنىپ، 10 جىلعا سوتتالادى.

تەرگەۋ سۋدياسىنىڭ شەشىمى بويىنشا كاسىپكەر كەپىلدىككە 5 ميلليون ەۋرو تولەپ، سوت قاداعالاۋىنا الىندى. سونىمەن قاتار وعان اپتاسىنا ەكى رەت پوليتسيا بولىمشەسىنە كەلىپ تۇرۋ مىندەتتەلىپ، فرانسيا ايماعىنان شىعۋعا تىيىم سالىندى.

دۋروۆ ءىسى بويىنشا سوت پروتسەسى ءبىر جىلدان ەرتە باستالمايدى، دەپ حابارلادى پروكۋراتۋرا وكىلى مەيليس دە رەك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى