ءى ءى م كادر سالاسىنىڭ وفيتسەرى ەسىرتكى جاسىرۋشىنى ۇستادى

- ىشكى ىستەر ورگاندارىنىڭ بارلىق ءبولىنىسى كۇشەيتىلگەن كەزەڭگە اۋىستىرىلعان. سول كەزەڭدە مينيسترلىكتىڭ ورتالىق اپپاراتىنان استانا قالاسىنىڭ كوشەلەرىنە قوعامدىق قاۋىپسىزدىكتى ساقتاۋعا، پروفيلاكتيكالىق جۇمىستار جۇرگىزۋگە قىزمەتكەرلەر جۇمىلدىرىلدى.

ولاردىڭ اراسىندا ءوزىم دە بولدىم. ءار قىزمەتكەرگە بەكىتىلگەن ايماق بولدى. وندا كەشكى ساعات 18:00-دەن تۇنگى 01:00-گە دەيىن قىزمەتىمىزدى اتقاردىق. قىزمەت اتقارۋ بارىسىندا تۇنگى ساعات 00:00-دەر شاماسىندا قاراما-قارسى كەلە جاتقان ەكى جاس ازاماتتى بايقادىم. ولار مەنى كورە سالا، تەز ارادا كوپقاباتتى ۇيلەردىڭ اۋلاسىنا كىرىپ كەتتى، - دەدى ءى ءى م كادر ساياساتى دەپارتامەنتىنىڭ ەرەكشە تاپسىرمالار جونىندەگى اعا ينسپەكتورى ەسجان ارىستانوۆ.

اعا ينسپەكتوردىڭ ولاردىڭ سوڭىنان ەرگەن. ءتارتىپ ساقشىسىن كورىپ ءىزىن سۋىتپاق بولعان جىگىتتەردىڭ بىرىنەن گاشيش ەسىرتكىسى تابىلعان. ونىمەن قوسا، ولاردىڭ اۋلا تۇرعىنى ەمەس، باسقا وبلىستان كەلگەنى انىقتالدى. وقيعا ورنىنا جەدەل-تەرگەۋ توبى شاقىرتىلىپ، زاڭ جۇزىندە شارا قابىلداندى. بۇگىندە تەرگەۋ امالدارى جالعاسىپ جاتىر.

- ىشكى ىستەر ورگاندارى سالاسىنىڭ ءاربىر ءبولىنىسى كۇشەيتىلگەن كەزەڭگە اۋىسقان كەزدە بارلىعى دا قوعامدىق قاۋىپسىزدىكتى ساقتاۋعا شىعىپ، ءوز ۇلەستەرىن قوسادى، - دەيدى پوليتسيا مايورى.

ەسجان ارىستانوۆ بۇگىندە كادر سالاسىندا قىزمەت اتقارادى. جالپى پوگوندى ەڭبەك جولىن 2004 -جىلى باستاعان ول ىشكى ىستەر مينيسترلىگىنىڭ ورتالىق اپپاراتىنا 2022 -جىلى كەلگەن.

ونىڭ پىكىرىنشە، قاي باعىتتا ەڭبەك ەتسە دە، ءتارتىپ ساقشىسىنىڭ ماقساتى مەن مىندەتى ءبىر - قوعام قاۋىپسىزدىگىن ءبىرىنشى ورىنعا قويۋ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى