ءوز اياعىمەن ءجۇرىپ ءجۇر - مينيستر رۋسلان بەردەنوۆتىڭ جاعدايىن ايتتى
استانا. KAZINFORM - دەنساۋلىق ساقتاۋ ءمينيسترى اقمارال ءالنازاروۆا ۇكىمەت وتىرىسىنان كەيىن وتكەن باسپا ءسوز ءماسليحاتىندا اكىمدىك الدىندا وق ءتيىپ جارالانعان شىمكەنت اكىمىنىڭ ورىنباسارى رۋسلان بەردەنوۆتىڭ جاعدايى تۋرالى مالىمەت بەردى.
- جاعدايى تۇراقتى اۋىر دەۋگە بولادى. تۇسكەن بويدا ەكى بريگادانىڭ حيرۋرگتارى 4 ساعات بويى شۇعىل كومەك كورسەتكەن ەدى. ناۋقاسقا وتا جاسالىپ، جاعدايى تۇراقتاندى. بۇگىن جاعدايى تۇراقتى. ءوز اياعىمەن ءجۇرىپ ءجۇر. ءبىراق دارىگەرلەردىڭ باقىلاۋىندا، - دەدى مينيستر.
ەسكە سالساق، 21-ساۋىردە شىمكەنت اكىمىنىڭ ورىنباسارى رۋسلان بەردەنوۆكە قاستاندىق جاسالعانى ءمالىم بولعان.
ول جاراقات الىپ، اۋرۋحاناعا ءتۇستى.
ال 25-ساۋىردە شەنەۋنىككە وق اتقان كۇدىكتىنىڭ اكەسى مالىمدەمە جاسادى.
ەسكە سالا كەتەيىك، بۇعان دەيىن رۋسلان بەردەنوۆتىڭ اقپان ايىنىڭ سوڭىندا شىمكەنت قالاسى اكىمىنىڭ ورىنباسارى قىزمەتىنە تاعايىندالعانىن جازعان بولاتىنبىز.
