ءتول تەڭگەگە 30 جىل: استانادا ارنايى كورمە اشىلدى
ق ر پرەزيدەنتتىك ورتالىعىندا قازاقستاننىڭ ۇلتتىق ۆاليۋتاسىنىڭ 30 جىلدىعىنا ارنالعان كورمە اشىلدى، دەپ حابارلايدى Kazinform.
كورمەنى اشقان قازاقستان رەسپۋبليكاسى پرەزيدەنتتىك ورتالىعىنىڭ ديرەكتورى باقىتجان تەمىربولات ەلىمىزدىڭ ۇلتتىق ۆاليۋتاسى ءانۇران، تۋ، ەلتاڭبا سەكىلدى تاۋەلسىزدىگىمىزدىڭ بىردەن-ءبىر نىشانى ەكەنىن اتاپ ءوتتى.
قازاقستاندىق بانكنوتتار ارقىلى بۇكىل الەمگە اباي قۇنانبايەۆ، شوقان ءۋاليحانوۆ، ابىلاي حان، قۇرمانعازى، ءال-فارابي مەن قوجا احمەت ياسساۋي كەسەنەسى، وقجەتپەس، ىلە الاتاۋى سەكىلدى ەلىمىزدىڭ كيەلى ورىندارى تانىلدى.
كورمەنىڭ ۇيىمداستىرۋشىلاردىڭ ايتۋىنشا، قازاقستان بانكنوتتارى جوعارى ساپالى جانە بيىك دارەجەدە قورعالعان. مۇنى حالىقارالىق ساراپشىلار دا راستايدى. وعان دالەل حالىقارالىق بانكنوتتار قاۋىمداستىعى قازاقستاننىڭ بانكنوتىن ءۇش جىل قاتارىنان الەمدەگى ەڭ ۇزدىك دەپ تانىدى.
كورمەگە 200 دەن استام ەكسپونات قويىلعان:
- قازاقستاننىڭ ەجەلگى مونەتالارى؛
- ۇلتتىق ۆاليۋتانى قالىپتاستىرۋدىڭ العىشارتتارى؛
- حالىقارالىق قارجى ۇيىمدارىمەن ىنتىماقتاستىق؛
- ق ر ۇلتتىق بانكىنىڭ قازاقستان تەڭگە سارايى؛
- كوللەكتسيالىق، ينۆەستيتسيالىق جانە ەستەلىك مونەتالار.
«تەڭگە - تاۋەلسىزدىك نىشانى» اتتى كورمە 2024-جىلعى 15- قاڭتارعا دەيىن جالعاسادى.
