ءسان-سالتانات سالىعىنىڭ ورنىنا قانداي الىم ءتۇرى ەنگىزىلەدى - جۇمانعارين جاۋابى
استانا. KAZINFORM - پرەمەر-ءمينيستردىڭ ورىنباسارى - ۇلتتىق ەكونوميكا ءمينيسترى سەرىك جۇمانعارين ءسان-سالتانات سالىنىعىنىڭ ورنىنا نەلىكتەن جاڭا الىم ەنگىزىلەتىنىن ءتۇسىندىردى.
بۇگىن اقوردادا ب ا ق وكىلدەرى ۆيتسە-پرەمەردەن: «سەرىك ماقاش ۇلى، ۆەدومستۆوڭىز ءسان-سالتانات سالىعىن ەنگىزۋدەن اينىپ، ءال سىز نەلىكتەن الكوگول، جىلجىمايتىن مۇلىك، كولىك سىندى جەكەلەگەن تاۋارعا سالىق سالۋعا شەشىم قابىلدادىڭىز؟» - دەپ سۇراعان ەدى.
وسى ورايدا ۆيتسە-پرەمەر ءسان-سالتاناتتىڭ نە ەكەندىگىن ساۋاتتى تۇردە انىقتاپ الۋ كەرەكتىگىن باسا ايتتى.
- ەگەر ءسىزدىڭ بارلىق جىلجىمايتىن مۇلكىڭىزدىڭ جالپى سوماسى 450 ميلليوننان اسسا، وندا قاتەلەسپەسەم بازالىق مولشەرلەمە جىلىنا 3 ميلليون تەڭگە بولادى، بۇعان قوسا ارتىق سوماعا 2 پايىز بار. ودان كەيىن، ەگەر ماشينا 75 ميلليون تەڭگە بولسا، سونداي-اق قىمبات الكوگولگە، قىمبات سيگاراعا جوعارى مولشەرلەمە تولەيسىڭ. ءسىزدىڭ ويىڭىزشا، باسقا نە ءسان-سالتانات بولماق. مەن ءتىپتى بىلمەيمىن دە، - دەدى ول.
سەرىك جۇمانعارين ءسان- سالتاناتقا قاتىستى ناقتى تۇسىنىك بولماعان جاعدايدا كىناسىز ادامدار زارداپ شەگۋى مۇمكىن ەكەندىگىن اتاپ وتە كەلە، بۇل ءسوزىنىڭ اسىرا سىلتەۋشىلىك ەكەندىگىن دە جاسىرعان جوق.
- ارينە، مەن اسىرا سىلتەپ وتىرمىن. بۇل جەردە كىنالى نە كىناسىز جوق. دەگەنمەن، بىرەۋلەرگە تەرىس سالىق سالىنۋ مۇمكىن، - دەدى ۆيتسە-پرەمەر.
بۇعان دەيىن ۇلتتىق ەكونوميكا ءمينيسترىنىڭ ءبىرىنشى ورىنباسارى ازامات ءامرين سەناتتا وتكەن دوڭگەلەك ۇستەلدەن كەيىن وتكەن باسپا ءسوز ءماسليحاتىندا ماجىلىستە جاتقان سالىق كودەكسىنىڭ جاڭا رەداكتسياسىندا ءسان-سالتانات سالىعى قالاي ەسەپتەلەتىنىن ايتقان ەدى.
