ءسابي ساتىلاتىنى تۋرالى حابارلاندىرۋ بەرگەن: بەزبۇيرەك انا يزولياتورعا قامالدى

«ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى الماتى وبلىسىندا جاڭا تۋعان نارەستەنى ساتۋ فاكتىسىن انىقتادى. تەكسەرۋ كەزىندە 24 جاستاعى وبلىس تۇرعىنى جۇكتىلىكتىڭ جەتىنشى ايىندا سايتقا بالا ساتاتىنى تۋرالى حابارلاندىرۋ ءىلىپ، ساتىپ الۋشىنى ىزدەي باستاعان. وسىلايشا بالاسى جوق جۇپتى تاۋىپ، كەزدەسۋ كەزىندە بالانىڭ اقىسىنا كرەديت بەرەشەگىن جابۋ تۋرالى كەلىسىمگە كەلەدى. قازان ايىندا نارەستەنى اتالعان جۇپتىڭ قولىنا اسىراپ الۋعا تاپسىرادى. بۇل فاكتى سوتقا دەيىنگى تەرگەپ-تەكسەرۋلەردىڭ ءبىرىڭعاي تىزىلىمىنە «كامەلەت جاسىنا تولماعانداردى ساتۋ» بابىمەن تىركەلىپ، سوتقا دەيىنگى تەرگەپ، تەكسەرۋ باستالدى. كۇدىكتى ايەل ۋاقىتشا ۇستاۋ يزولياتورىنا الىندى»، - دەدى ول ۆەدومستۆونىڭ اپتا سايىن وتەتىن بريفينگىسىندە.

وسىعان ۇقساس جاعداي شىمكەنت قالاسىندا دا بولعان.

«جاڭا تۋعان نارەستەنى ساتۋدىڭ تاعى ءبىر فاكتىسى شىمكەنت قالاسىندا تىركەلدى. ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى انىقتاعانداي، 23 جاستاعى ايەل بالاسىن ساتىپ الاتىن ادام ىزدەپ، دەلدال ارقىلى وزگە وبلىستىڭ 45 جاستاعى تۇرعىنىن تاپقان. ەكەۋى كەزدەسىپ، ساۋدا مامىلەسىن جاسايدى. بۇل فاكتى قىلمىستىق كودەكستىڭ 135-بابى بويىنشا تىركەلدى. سوتقا دەيىنگى تەرگەۋ باستالدى. نارەستە سابيلەر ۇيىندە. كۇدىكتىنىڭ بۇعان دەيىن بىرنەشە رەت الاياقتىق ءۇشىن جاۋاپقا تارتىلعانى، موينىندا قوماقتى قارىزى بار ەكەنى بەلگىلى بولدى. قازىرگى تاڭدا ول - قاماۋدا»، - دەدى جاندوس ءسۇيىنباي.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى