رۋلى وڭ جاقتاعى كولىكتەر تاكسي قىزمەتىن اتقارا المايدى

« InDriver اگرەگاتورىمەن ءتيىستى مەموراندۋمعا قول قويدىق. قۇجاتتا وڭ ءرۋلدى كولىكتەردى InDriver جۇيەسىندە تىركەۋدەن باس تارتۋ قاراستىرىلعان. ياعني، وڭ ءرۋلدى كولىكتەرگە تاكسيدە جۇرۋگە تىيىم سالىنادى، سوندىقتان InDriver دە، ياندەكس تە ولاردى ءوز قوسىمشالارىندا تىركەمەيدى»، - دەپ ءتۇسىندىردى م. قارابايەۆ.

ونىڭ ايتۋىنشا، كەلەر جىلدىڭ 1-قاڭتارىنا دەيىن ياندەكس پەن InDriver وزدەرىندە ينۆەنتاريزاتسيا جاساپ، وڭ ءرۋلدى كولىكتەردى انىقتاپ، ولاردىڭ تاكسي قىزمەتىنە رۇقساتىن شەكتەيدى. سونىمەن قاتار، ءدال وسىنداي شەكتەۋلەر وسىعان دەيىن رۋلى وڭ جاقتا بولعانىمەن، كەيىن ونى سول جاققا اۋىستىرعان كولىكتەرگە دە قاتىستى بولادى.

«ءرۋلى سول جاققا اۋىستىرىلعان وڭ جاق رۋلدى كولىكتەر بار. ولار ازاماتتارىمىزدىڭ دەنساۋلىعىنا جانە كولىك قوزعالىسى قاۋىپسىزدىگىنە ءقاۋىپ توندىرەدى. سوندىقتان وڭ رۋلدى كولىكتەردە 13 تاڭبالى VIN كودى بار، ال سول رۋلدى كولىكتەردە 17 تاڭبالى VIN كودى تاڭبالانعان. بۇل تۇرعىدا تاكسي قىزمەتتەرى وسىنداي كولىكتەردى انىقتاپ، 1-قاڭتاردان باستاپ قىزمەتتەن بوساتادى. مۇنىمەن قوسا، ىشكى ىستەر مينيسترلىگى جول ەرەجەسىن ءجيى بۇزاتىن جۇرگىزۋشىلەردىڭ ءتىزىمىن ۇسىنادى. بۇل رەتتە، وسى جۇرگىزۋشىلەر تاكسي جۇيەسىنەن شىعارىلادى»، - دەدى مينيستر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى