COVID-19: شەتەلدىك ينۆەستورلار قازاقستانعا قالاي كومەكتەستى
جىل باسىنان بەرى تۇرالاپ قالعان جۇمىس جەتەرلىك. دەگەنمەن، ەل باسىنا كۇن تۋعاندا جاردەم بەرۋگە اسىققان كاسىپكەرلەر مەن كومپانيالار دا از ەمەس. وسى ورايدا ق ر پرەزيدەنتى جانىنداعى شەتەلدىك ينۆەستورلار كەڭەسى قازاقستانداعى ءتۇرلى سالالارعا كومەك ۇسىنعان كومپانيالار ءتىزىمىن جاريالادى، دەپ حابارلايدى قازاقپارات ءتىلشىسى.
قازاقستانداعى شەتەلدىك ينۆەستورلار كەڭەسى قاۋىمداستىعى جانە «شەلل قازاقستان»، «ەني»، «ينپەكس نورت كاسپيان سي ل ت د. «، «توتال» ، «لۋكويل»، «كامەكو قازاقستان»، «ەر ليكيد»، «تاكەدا»، «ريو- تينتو» كومپانيالارى COVID-19 ناۋقاستارىن ەمدەۋگە جاردەمدەسۋ ماقساتىندا قارقىندى تەراپياعا ارنالعان زاماناۋي جابدىقتار مەن جەكە قورعانىس قۇرالدارىن ساتىپ الىپ، نۇر- سۇلتان قالاسىنىڭ كوپسالالى مەديتسينالىق ورتالىعىنا سىيعا تارتقان. جابدىقتىڭ جالپى قۇنى 200 ميلليون تەڭگەدەن اسادى. قارقىندى تەراپياعا ارنالعان جابدىق اراسىندا توسەك جانىنداعى مونيتورلار، ينفۋزيا سورعىلارى، قان اناليزاتورى، ەلەكترويمپەدانس توموگرافى جانە رەانيماتسيا شارالارىن جۇرگىزۋگە ارنالعان فۋنكتسيونالدى جابدىقتار بار.
مەديتسينا قىزمەتكەرلەرى بۇل جابدىقتى پايدالانۋ بويىنشا ارنايى وقۋدان وتكەن. وعان قوسا، كوپبەيىندى مەديتسينالىق ورتالىقتا جۇمىس ىستەيتىن جانە COVID-19 ۆيرۋسىن جۇقتىرۋ قاۋپى بار مەديتسينالىق قىزمەتكەرلەرگە 10000 نان استام جەكە قورعانىس قۇرالى، ونىڭ ىشىندە مەديتسينالىق ماسكا، قورعانىش حالاتى، كوزىلدىرىك پەن قولعاپ بەرىلدى. بۇل قورعانىس قۇرالدارى مەديتسينالىق مەكەمەنىڭ قىزمەت كورسەتۋ دەڭگەيىن كوتەرىپ، ناۋقاستارمەن تىكەلەي جۇمىس ىستەيتىن مەديتسينا قىزمەتكەرلەرىن قورعاۋ ءۇشىن وتە ماڭىزدى. نۇر- سۇلتان قالاسىنىڭ قوعامدىق دەنساۋلىق ساقتاۋ باسقارماسى ارنايى مەديتسينالىق جابدىقتار مەن ماتەريالدارعا سۇرانىس بەرگەن جانە وعان جاۋاپ رەتىندە شەتەلدىك ينۆەستورلار بىرلەسىپ قاجەتتى جابدىقتاردى ساتىپ الدى. ءساۋىر- ماۋسىم ايلارىندا سىرا سالاسىنداعى «efes Kazakhstan» كومپانياسى كورپوراتيۆتىك- الەۋمەتتىك جاۋاپكەرشىلىك قاعيداتىنا سۇيەنە وتىرىپ، داعدارىستان زارداپ شەككەن قوعامدىق تاماقتانۋ سالاسىنداعى قازاقستاندىق كاسىپورىنداردى قولداۋ، حالىقتىڭ الەۋمەتتىك وسال توپتارىنا كومەك كورسەتىپ، مەديتسينا قىزمەتكەرلەرىن قولداۋ بويىنشا ناۋقان وتكىزدى. الەۋمەتتىك جوبا قازاقستاننىڭ ءىرى قالالارىن - الماتى، نۇرسۇلتان، شىمكەنت، قاراعاندىنى قامتىدى. ناۋقان اياسىندا جۇمىسسىز قالعان كوپتەگەن داياشى، بارمەن جانە باسقا دا قىزمەتكەرلەرگە ۆاۋچەرلەر مەن ازىق- تۇلىك سەبەتتەرى تۇرىندە كومەك كورسەتىلدى. جەرگىلىكتى بيلىك بەرگەن تىزىمدەرگە سايكەس از قامتىلعان تۇرعىندارعا ازىق- تۇلىك جينىتىعى تاراتىلدى. سونىمەن بىرگە، الماتى قالاسىنداعى ي. س. جاكەنوۆا اتىنداعى قالالىق كلينيكالىق جۇقپالى اۋرۋلار اۋرۋحاناسىنىڭ مەديتسينا قىزمەتكەرلەرى كۇندەلىكتى ىستىق تاماقپەن قامتىلدى. «كوكا- كولا الماتى بوتلەرس» ب ك ج ش س بيزنەستىڭ الەۋمەتتىك جاۋاپتى وكىلى رەتىندە شەتتە قالمادى جان- جاقتى قولداۋ كورسەتۋدى بەلسەندى تۇردە جالعاستىرادى. «The Coca-Cola Foundation» حالىقارالىق قايىرىمدىلىق قورى قازاقستانعا COVID-19-عا قارسى كۇرەستە كومەك كورسەتۋ ءۇشىن 130 ميلليون تەڭگەدەن استام قاراجات ءبولدى.
قازاقستانداعى « قىزىل كرەست» جانە « قىزىل جارتى اي» حالىقارالىق قوزعالىسىمەن جانە ق ر دەنساۋلىق ساقتاۋ مينيسترلىگىمەن بىرلەسىپ، بۇل قاراجات مەديتسينا قىزمەتكەرلەرى ءۇشىن 1620 كوپ قولدانىلاتىن وباعا قارسى جيناققا، COVID-19 ۆيرۋسىن انىقتايتىن 27000 تەست ءۇشىن 270 رەاگەنت جيىنتىعىنا جۇمسالدى. قاراجاتتىڭ ءبىر بولىگى ەلدىڭ ءارتۇرلى ايماقتارىنداعى 4 000 از قامتىلعان ءۇي شارۋاشىلىعى ءۇشىن ەڭ قاجەت تاماق ءونىمىن ساتىپ الۋعا بەرىلدى. سونداي- اق، كومپانيا مەديتسينالىق مەكەمەلەرگە، بلوك بەكەتتەرگە جانە كارانتين ايماقتارىنا 17400 ليتردەن استام سۋسىن ۇسىنىپ، اقمولا، الماتى، قاراعاندى جانە قوستاناي وبلىستارىندا از قامتىلعان وتباسىلار ءۇشىن 1000-عا جۋىق ازىق- تۇلىك سەبەتىن بەرۋگە كومەكتەستى. ال «رامستور قازاقستان» ج ش س COVID-19 بويىنشا توتەنشە جاعدايدا 750 دەن استام وتباسىنا 3 ميلليون تەڭگەگە جۋىق قايىرىمدىلىق كومەك كورسەتتى. كومپانيا الماتىداعى تۇركيا رەسپۋبليكاسى باس كونسۋلدىعىنىڭ باستاماسىن قولداپ، قيىن كەزەڭدە تابىسسىز قالعان وتباسىلارعا 500 قوراپ الەۋمەتتىك ماڭىزى بار تاۋار ۇسىندى.
نۇر- سۇلتان قالاسىندا مۇقتاج وتباسىلار وسى جوبا بويىنشا 100 قوراپ ازىق- تۇلىك الدى. الماتى قالاسى بوستاندىق اۋدانىنىڭ كوپبالالى جانە از قامتىلعان وتباسىلارىنا اۋدان اكىمدىگىنىڭ تىزىمىمەن 100 قوراپ ازىق- تۇلىك جەتكىزىلدى. الماتى قالاسى المالى اۋدانىنىڭ اكىمدىگىمەن بىرلەسىپ، كارانتينگە جابىلعان تۇرعىن ءۇيدىڭ از قامتىلعان 27 وتباسى ازىق- تۇلىك جيناعىمەن قامتاماسىز ەتىلدى. الماتى قالاسى مەدەۋ اۋدانىنداعى ۇوس 32 ارداگەرى جەڭىس كۇنىنە وراي الەۋمەتتىك ماڭىزى بار ازىق- تۇلىك سەبەتىن الدى. «رامستور قازاقستان» ج ش س ساتىپ العان 2 وتتەگى كونتسەنتراتورى ىستانبۇل قالاسىنداعى قر كونسۋلدىعىنا بەرىلدى. «ارسەلورميتتال تەمىرتاۋ» ا ق كومپانياسى ءوز قىزمەتكەرلەرى مەن قاراعاندى وبلىسىنىڭ تۇرعىندارى ءۇشىن كوروناۆيرۋسقا تەست جۇرگىزۋ ءۇشىن قاراجات ءبولدى. وسىلايشا، كومپانيا كومەگىمەن قاراعاندى وبلىسىنداعى پ ت ر تەست تاپسىراتىن ادامدار سانى ەكى ەسەگە ارتتى. وسى دۇيسەنبىدەن باستاپ «ارسەلورميتتال تەمىرتاۋ» ا ق قارجىلاندىرعان تەستى سانى 3000 عا دەيىن ارتتى.
«قاراعاندى وبلىسىنىڭ اكىمدىگىمەن كونسۋلتاتسيا جۇرگىزىپ، اۋرۋدى ودان ءارى تاراتپاۋ ءۇشىن كوروناۆيرۋسقا تالداۋ جۇرگىزۋ مۇمكىندىكتەرى كوبىرەك بولۋى ءتيىس دەگەن قورىتىندىعا كەلدىك. ءبىز «وليمپ» زەرتحاناسىمەن ىنتىماقتاستىق تۋرالى كەلىسىم جاساستىق، ولار قازىر كۇنىنە 1200 تەست وتكىزەدى. ءبىزدىڭ 80 ميلليون تەڭگە كولەمىندەگى قارجىلىق قولداۋىمىزدىڭ ارقاسىندا زەرتحانا كوروناۆيرۋسقا جۇرگىزىلەتىن تالداۋ سانىن كۇنىنە 3000 عا دەيىن ارتتىرا الادى، ال ءبىزدىڭ قىزمەتكەرلەرگە تەست تاپسىرۋ مۇمكىندىگىنە كەپىلدىك بەرىلەدى، بۇل «ارسەلورميتتال» كومپانياسىنا عانا ەمەس، وبلىس تۇرعىندارىنا دا ءتيىمدى»، - دەيدى «ارسەلورميتتال تەمىرتاۋ» ا ق باس ديرەكتورى بيدجۋ ناير. ازيا دامۋ بانكى (ا د ب) 25 -ماۋسىمدا قازاقستان ءۇشىن 1 ميلليارد ا ق ش دوللارى كولەمىندە ارنايى كومەك پاكەتى رەتىندە بيۋدجەتتىك كرەديتتى بەكىتتى. بۇل ۇكىمەتكە دەنساۋلىق ساقتاۋ، الەۋمەتتىك جانە ەكونوميكالىق سالاداعى كوروناۆيرۋس اۋرۋىنىڭ (COVID-19) سالدارىن جەڭىلدەتۋگە كومەكتەسەدى. بۇل پاكەت ۇكىمەتتىڭ كەشەندى جوسپارىن قارجىلاندىرۋعا كومەكتەسەدى دەپ كۇتىلۋدە، وعان ناۋقاستاردى اۋرۋحاناعا جاتقىزۋ جانە COVID-19 بايلانىستى ءدارى- دارمەكتەردى تەگىن بەرۋ، حالىقتىڭ وسال توپتارى ءۇشىن جۇمىسپەن قامتۋدى قولداۋ شارالارى جانە كەڭەيتىلگەن الەۋمەتتىك كومەك باعدارلامالارى كىرەدى. سونىمەن بىرگە ادب حالىقتىڭ سانيتارلىق- ەپيدەميولوگيالىق ءال- اۋقاتىن جاقسارتۋ ءۇشىن COVID-19 انىقتاۋعا شۇعىل زەرتحانالىق زەرتتەۋلەر جۇرگىزۋ ءۇشىن مەديتسينالىق قىزمەتكەرلەرگە قورعانىس قۇرالدارىن ساتىپ الۋعا 1 ميلليون ا ق ش دوللارىن ءبولدى.
30 - ماۋسىمدا ا د ب مەن ب ۇ ۇ دامۋ باعدارلاماسى COVID-19 مەديتسينالىق قالدىقتارىن باسقارۋ، ۆيرۋستىڭ تارالۋىن تەجەۋ جانە ونىڭ سالدارىن جەڭىلدەتۋ بويىنشا مەديتسينالىق قىزمەتكەرلەردىڭ مۇمكىندىكتەرىن كەڭەيتۋ جوباسىن قولداۋ ءۇشىن اكىمشىلىك كەلىسىمگە قول قويدى. جوبا اياسىندا COVID-19 مەديتسينالىق قالدىق وڭدەۋگە ارنالعان ۇيلەستىرىلگەن نورماتيۆتىك ستاندارت جانە مەديتسينالىق قالدىقتى وڭدەۋ جونىندەگى ءتيىمدى دەرەك بازاسى ازىرلەنەدى جانە وقىتۋ ارقىلى مەديتسينالىق مەكەمەلەردىڭ ەپيدەمياعا دەن قويۋ مۇمكىندىكتەرى كۇشەيتىلەدى. 27 - تامىزدا ازيا دامۋ بانكى COVID-19 پاندەمياسىمەن كۇرەستە حالىقتىڭ وسال توپتارىنا مەديتسينالىق پرەپاراتتار مەن جابدىقتار بەرۋ ءۇشىن قازاقستانعا 3 ميلليون ا ق ش دوللارى مولشەرىندە تاۋەلسىز گرانت بەكىتتى. گرانت جاپونيا ۇكىمەتىنىڭ قولداۋىمەن ازيا- تىنىق مۇحيتى تابيعي اپاتتارعا ارەكەت ەتۋ قورىنىڭ قاراجاتىنان ءبولىندى. ا د ب ۇكىمەتپەن جانە دامۋ جونىندەگى باسقا دا ارىپتەستەرمەن بىرلەسىپ، COVID-19 پاندەمياسىنا قارسى كۇرەستە قازاقستان ءۇشىن ىنتىماقتاستىق قورىن قۇرۋ جۇمىسىن اياقتايدى. ىنتىماقتاستىق قورى قاجەتتى ماماندىقتاردى انىقتاۋ بويىنشا تالداۋ جۇرگىزەدى، پاندەميا كەزىندە جۇمىسىنان ايىرىلعاندارعا جاڭا ەڭبەك داعدىلارىن ۇيرەتۋ جانە كەيىننەن جۇمىسقا ورنالاسۋ ءۇشىن ترەنينگتىك باعدارلامالار ازىرلەيدى. «شيەۆرون» كومپانياسى قازان ايىندا قازاقستاننىڭ ەمحانالارى مەن اۋرۋحانالارىنداعى ناۋقاستارعا بەرىلەتىن دارىلىك زاتتاردىڭ ءبىرىنشى پارتياسىن ساتىپ الىپ، الماتى قالاسىنا جەتكىزدى.
بۇل شارا قازاقستاننىڭ COVID-19 تارالۋىنا قارسى كۇرەس جونىندەگى كۇش- جىگەرىن قولداۋعا باعىتتالعان. ەلدىڭ پاندەميامەن كۇرەس قاجەتتىلىكتەرىن قاناعاتتاندىرۋ ءۇشىن شيەۆرون دەنساۋلىق ساقتاۋ مينيسترلىگىمەن بىرگە قاجەتتى ءدارى- دارمەك ءتىزىمىن انىقتادى. شيەۆرون 250000 نان استام پاكەت (11,6 ميلليوننان استام تابلەتكا) پاراتسەتامول، يبۋپروفەن، ريۆاروكسابان، اپيكسابان جانە دابيگاتراندى قوسا العاندا، COVID-19 پاتسيەنتتەرىن ەمدەۋگە ارنالعان ءدارى- دارمەكتىڭ ەكى ايلىق قورىمەن قامتاماسىز ەتەدى. ودان باسقا، باعدارلاما مەديتسينالىق جابدىقتى، 400000 جەكە قورعانىس قۇرالىن ساتىپ الۋدى جانە جەتكىزۋدى جانە COVID-19 پاتسيەنتىن ەمدەۋمەن اينالىساتىن مەديتسينا قىزمەتكەرلەرىن وقىتۋدى قامتيدى. شيەۆرون كومپانياسى الماتى بالالار جۇقپالى اۋرۋلار اۋرۋحاناسىنا ەكى ءو ج ج اپپاراتىن تەگىن بەردى. سونىمەن بىرگە شيەۆرون دارىگەرلەردى وقىتۋدى جانە جابدىققا 37 اي بويى كەپىلدى تەحنيكالىق قىزمەت كورسەتۋدى قامتاماسىز ەتتى. ءساۋىر ايىندا، شيەۆرون جانە كولۋمبيا ۋنيۆەرسيتەتىنىڭ مەيلمان اتىنداعى ICAP قوعامدىق دەنساۋلىق ساقتاۋ مەكتەبى قازاقستانعا قىتايدان 10 ساراپشىنىڭ (دارىگەرلەر مەن ەپيدەميولوگتاردىڭ) 16 كۇندىك ساپارىن ۇيىمداستىردى.
قىتايلىق دارىگەرلەر COVID-19 پاندەمياسىمەن كۇرەسۋ تاجىريبەسىمەن ءبولىستى. شيەۆرون مەن ICAP الماتى قالاسىنىڭ مەديتسينالىق مەكەمەلەرىنە 70000 رەسپيراتور ماسكاسىن تاپسىردى. پاندەميا تۋرالى حالىقتىڭ حاباردار ەتۋ ءۇشىن ب ا ق- تىڭ جەتى جوباسى قارجىلاندىرىلدى. الەۋمەتتىك از قامتىلعان 2000 وتباسىعا كومەك كورسەتىلدى. الماتى قالاسى مەن الماتى وبلىسىنىڭ پروۆيزورلىق كلينيكالارىنىڭ دارىگەرلەرىنە 2300 تۇسكى اس پەن كەشكى اس جانە 500 جەكە قورعانىس قۇرالدارى جەتكىزىلدى. 100 ەڭبەك ميگرانتىنا قولداۋ كورسەتىلدى. شاعىن بيزنەسكە 1400 كونسۋلتاتسيا بەرىلدى، بيزنەسكە ارنالعان 300 جەكە دامۋ جوسپارى ازىرلەندى.
تەڭىزشيەۆرويل (ت ش و) اتىراۋ وبلىسىندا COVID-19-پەن كۇرەسۋ ءۇشىن مەديتسينالىق جابدىقتاردى، جەكە قورعانىس قۇرالدارىن، پتر- تەستىلەردى ساتىپ الدى. ۆيرۋستىڭ تارالۋ قاۋپىن ازايتىپ، قىزمەتكەرلەر قاۋىپسىزدىگىن قامتاماسىز ەتۋ ماقساتىندا تشو جەرگىلىكتى دەنساۋلىق ساقتاۋ ورگاندارىمەن بىرلەسىپ، 100 مىڭنان استام COVID-19 پ ت ر تەستىن جۇرگىزدى. بۇگىنگى تاڭدا ت ش و اتىراۋ وبلىسىنىڭ دەنساۋلىق ساقتاۋ باسقارماسى ءۇشىن جالپى سوماسى 7 ميلليون ا ق ش دوللارى بولاتىن جەكە قورعانىس قۇرالدارى مەن وتتەگى كونتسەنتراتورلارىن ساتىپ الدى. حالىقارالىق رەيستەردىڭ توقتاتىلۋىنا بايلانىستى، كومپانيا ۇشاق ءبولىپ، ستۋدەنتتەردىڭ ۇيگە ورالۋىنا كومەكتەستى. كومپانيا جۇك تاسىمالداۋدى ۇيىمداستىرىپ، اتىراۋعا 20 توننادان استام ءدارى- دارمەك جەتكىزۋگە كومەكتەستى. بۇگىندە ت ش و اتىراۋ وبلىسى جىلىوي اۋدانى قۇلسارى قالاسىندا 200 ورىندىق جۇقپالى اۋرۋلار اۋرۋحاناسىنىڭ قۇرىلىسىنا بەلسەندى قاتىسۋدا. Citi كومپانياسىنىڭ مىندەتى - ءوسۋ مەن ەكونوميكالىق پروگرەسكە ىقپال ەتۋ.
COVID-19 پاندەمياسى جۇزدەگەن مىڭ قازاقستاندىق وقۋشىنى ۇيدە قالۋعا ءماجبۇر ەتتى. سوندا City ب ۇ ۇ بالالار قورىنا (يۋنيسەف) 80000 ا ق ش دوللارىن اۋداردى. Citi قايىرىمدىلىق جۇمىستارى پاندەمياداعى وقشاۋلاۋ سالدارىنان قازاقستاندىق وتباسىلارداعى كۇيزەلىستى ازايتۋعا كومەكتەسەتىن يۋنيسەف- ءتىڭ پسيحولوگيالىق كومەك باعدارلاماسىن قارجىلاندىرۋعا جانە الماتى مەن نۇر- سۇلتاندا از قامتىلعان وتباسىلاردان شىققان وقۋشىلارعا 60 نوۋتبۋك ساتىپ الۋعا باعىتتالدى. «سيتيبانك قازاقستان» ا ق باسقارما ءتوراعاسى اندرەي كۋريليننىڭ ايتۋىنشا، پاندەميادا Citigroup بۇكىل الەمدەگى مۇقتاج ادامدارعا قولداۋ كورسەتەدى.
«ونى ءبىز ءوز ارىپتەستەرىمىزدەن باستادىق: پاندەميا شەكتەۋىنە بايلانىستى ەكونوميكالىق قيىندىققا تاپ بولعان 75000 قىزمەتكەر ءبىر رەتتىك ارنايى تولەم الدى، ونى قازاقستاندا قىزمەتكەرلەردىڭ تورتتەن ءبىر بولىگى الدى. Citi سونىمەن بىرگە «جاقسىلىقتى ەسەلە» جاھاندىق ناۋقانىن باستادى، وندا قىزمەتكەرلەردىڭ جەكە قايىرىمدىلىق جارنالارى ەكى ەسە كوبەيتىلىپ، International Rescue Committee حالىقارالىق بەيكوممەرتسيالىق ۇيىمىنا جىبەرىلدى. ال قازاقستاندا بيلىكتىڭ بالالارعا مەكتەپ ءبىلىمىن جالعاستىرۋعا كومەكتەسۋ تۋرالى ۇندەۋىنە قۋانا ۇلەس قوستىق»، - دەيدى ا. كۋريلين.
يتاليالىق «ەني» ءىرى مۇناي- گاز كومپانياسى باسقا شەتەلدىك ينۆەستورلارمەن بىرلەسىپ، COVID-19 ناۋقاستارىن ەمدەۋ ءۇشىن نۇر- سۇلتان قالاسىنداعى كوپبەيىندى مەديتسينالىق ورتالىققا قارقىندى رەانيماتسيالىق تەراپياعا ارنالعان ەڭ زاماناۋي جابدىقتار مەن جەكە قورعانىس قۇرالدارى جيىنتىعىن الىپ بەردى، ولاردىڭ جالپى قۇنى 200 ميلليون تەڭگەدەن اسادى. ونىڭ اراسىندا ناۋقاستاردىڭ جاي- كۇيىن باقىلايتىن بىرنەشە مونيتور، ينفۋزيالىق سورعىلار، قان پلازماسىن تالداۋ جانە ەلەكترويمپەدانستىق توموگرافيا اسپاپتارى، رەانيماتسيالىق شارالار جۇرگىزۋگە ارنالعان فۋنكتسيونالدىق جيھاز بار. مەديتسينالىق قىزمەتكەرلەر جەتكىزىلگەن جابدىقپەن جۇمىس ىستەۋ ءۇشىن ارنايى وقۋدان ءوتتى. ودان بولەك، مەديتسينالىق ماسكالار، قورعانىس حالاتتارى، كوزىلدىرىكتەر مەن قولعاپتاردى قوسا العاندا، 10000 نان استام قورعانىس قۇرالدارى COVID-19 پاتسيەنتتەرىمەن تىكەلەي جۇمىس ىستەيتىن دارىگەرلەرگە بەرىلەدى.
اقتوبە وبلىسىندا قازاقستانداعى جاڭارتىلاتىن ەنەرگيا كوزدەرى جوبالارىمەن اينالىساتىن ەني- ءدىڭ ەنشىلەس كاسىپورنى «ArmWind» ج ش س حالىققا 400000 مەديتسينالىق ماسكا ساتىپ الىپ، ولاردى اقتوبە وبلىسىنىڭ دەنساۋلىق ساقتاۋ دەپارتامەنتىنە جەتكىزگەن. EURASIAN RESOURCES GROUP (IRG) نۇرسۇلتان نازاربايەۆتىڭ رەسپۋبليكالىق قور قۇرۋ تۋرالى باستاماسىن قولدادى جانە قور قۇرۋ ءۇشىن 4,5 ميلليارد تەڭگە ءبولدى. ERG نەگىزىن قالاۋشى جانە ديرەكتورلار كەڭەسىنىڭ مۇشەسى اليدجان يبراگيموۆ پاۆلودار وبلىسى مەن الماتى قالاسىنىڭ وڭىرلىك قورلارىنا جەكە قاراجاتىنان 100 ميلليورن تەڭگەدەن بولگەن. ەلىمىزدە ت ج جاريالانىپ، پروفيلاكتيكالىق ءىس- شارالاردى جۇزەگە اسىرۋ ءۇشىن ERG نۇر- سۇلتان قالاسىنىڭ قورىنا 100 ميلليون تەڭگە بولگەن. پاۆلودار، قوستاناي جانە اقتوبە وبلىستارىنا 1,56 ميلليارد تەڭگە جىبەرىلدى. 1,9 ميلليارد تەڭگە ERG كاسىپورىندارى قىزمەتكەرلەرىنىڭ پروفيلاكتيكالىق جانە ەمدەۋ جۇمىستارىنا باعىتتالدى.
