امەريكالىق ميللياردەر «COVID-19-دى شىعارعان ادام» اتاندى

بۇل تۋرالى The New York Times گازەتىندەگى ماقالادا جازىلعان، - دەپ حابارلايدى گازەتا. Ru.

Microsoft كومپانياسىنىڭ نەگىزىن قالاۋشى 2015 -جىلى بولاشاقتا ادامزاتقا قاۋىپ توندىرەتىن يادرولىق سوعىس ەمەس، ولىمگە اكەپ سوعاتىن جۇقپالى ۆيرۋس بولاتىنىن ايتقان كورىنەدى. بۇگىن بيلل گەيتستىڭ بۇل ۆيدەوسى YouTube-تە كوپتەگەن قارالىم جيناعان.

جەلىدە 64 جاستاعى ميللياردەر «COVID-19-دى شىعارعان ادام» دەگەن ۆيدەو مەن جازبالار پايدا بولعان.

بۇل تەورياعا سايكەس، كاسىپكەر قاۋىپتى ۆيرۋستى ۆاكتسينا جاساپ، اقشا تابۋى ءۇشىن قاساقانا ويلاپ تاۋىپتى- مىس. تاعى ءبىر نۇسقا بويىنشا، گەيت كوروناۆيرۋستىڭ جاڭا ءتۇرى ارقىلى جەردىڭ حالقىنىڭ سانىن قىسقارتىپ، السىزدەر مەن سوزىلمالى اۋرۋلارى بار ادامداردى «سۇرىپتاعىسى» كەلگەن كورىنەدى.

باسىلىم مالىمەتىنشە، بيلل گەيتس Twitter جەلىسىندەگى پاراقشاسىندا اقش پرەزيدەنتى دونالد ترامپ دۇنيەجۇزىلىك دەنساۋلىق ساقتاۋ ۇيىمىن قارجىلاندىرۋدى توقتاتقانى ءۇشىن سىنعا العاننان كەيىن كاسىپكەرگە قارسى پىكىرلەر پايدا بولا باستاعان.

ودان بولەك، سوڭعى ايلاردا ميللياردەر ب ا ق بەتتەرىنە، تەلەارنالارعا امەريكالىق بيلىكتىڭ ەپيدەمياعا بايلانىستى شەشىمىنە قاتىستى پىكىر بىلدىرگەن.

بيلل گەيتستىڭ ءوزى بۇل جاعدايعا قاتىستى پىكىر بىلدىرۋدەن باس تارتقان. كاسىپكەردىڭ Bill - Melinda Gates Foundation قايىرىمدىلىق قورىنىڭ باسشىسى مارك سۋزمان ونى قيىن ساتتە بىرىگۋدىڭ ورنىنا جالعان اقپارات تاراتىپ جۇرگەن ادامدار كوڭىلىن قالدىراتىنىن ايتقان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى