COVID-19: قىتاي ۆاكسينانى سىناقتان وتكىزۋگە كىرىستى
بۇل رەتتە ىندەتكە شالدىققان 86 ادام شەتەلدەن كەلگەن. كوروناۆيرۋستى ەلگە سىرتتان اكەلۋ جاعدايلارىنىڭ جالپى سانى 1,4 مىڭنان استى. قازىرگى كەزدە 905 ادام ەمدەلىپ جاتىر، 37 پاتسيەنت اۋىر حالدە. بۇدان باسقا، سوڭعى تاۋلىكتە اۋرۋ بەلگىلەرى بولماعان 54 جاڭا وقيعا انىقتالدى.
جالپى العاندا، 1 مىڭنان استام ادام مەديتسينالىق باقىلاۋدا قالىپ وتىر. سوڭعى مالىمەتتەر بويىنشا، ق ح ر- دا كوروناۆيرۋسقا شالدىعۋدىڭ بارلىعى 82249 وقيعاسى راستالعان، اۋرۋدان 3341 ادام قايتىس بولدى، 77738 ادام جازىلىپ، اۋرۋحانادان شىعارىلدى.
قازىرگى كەزدە 1170 پاتسيەنت مەديتسينالىق مەكەمەلەردە ەم قابىلداپ جاتىر، 116 ناۋقاستىڭ جاعدايى اۋىر دەپ باعالانۋدا. جەرگىلىكتى ب ا ق-تىڭ حابارلاۋىنشا، قىتاي بيلىگى COVID-19 ىندەتىنە قارسى اكتيۆتەلگەن ۆاكسينانى كلينيكالىق سىناقتان وتكىزۋگە رۇقسات بەرگەن.
ول كلينيكالىق سىناقتاردان ءوتىپ جاتقان ەلدەگى ەكىنشى جانە الەمدەگى ءۇشىنشى ۆاكسينا بولماق. بۇل ۆاكسينانى ءتيىستى سىناقتاردان وتكىزۋگە ليتسەنزيانى ۋحان بيولوگيالىق پرەپاراتتاردى زەرتتەۋ ينستيتۋتى مەن بەيجىڭدەگى Sinovac R- D عىلىمي-زەرتتەۋ كومپانياسى بەردى.
ەسكە سالا كەتەيىك، قىتايدا ۆاكسينالار بەس باعىت بويىنشا ازىرلەنۋ ۇستىندە: نۋكلەين قىشقىلدارى نەگىزىندەگى گەن- ينجەنەرلىك ۆاكسينا، يناكتيۆتەلگەن ۆاكسينا، قايتا ۇيىمداستىرىلعان اقۋىزدار نەگىزىندەگى ۆاكسينا، رەكومبينانتتى ادەنوۆيرۋستىق ۆەكتور نەگىزىندەگى ۆاكسينا جانە تۇماۋعا قارسى ءتىرى ۆاكسينا. بۇعان دەيىن جاڭا تيپتەگى كوروناۆيرۋسقا قارسى رەكومبيناتتى ادەنوۆيرۋستىق ۆەكتور نەگىزىندەگى ۆاكسينانى كلينيكالىق زەرتتەۋ ءۇشىن ءتيىستى رۇقساتتى ق ح ر اسكەري- مەديتسينالىق اكادەمياسى العان.
قازاقستانمەن شەكاراداعى جاعداي
قىتايدا كوروناۆيرۋستى سىرتتان اكەلۋ وقيعالارىنىڭ كوبەيۋىنە بايلانىستى شىڭجاڭ- ۇيعىر اۆتونوميالىق ايماعىنداعى «الاشاڭقاي» باقىلاۋ- وتكىزۋ بەكەتىندە كەدەندىك جانە شەكارالىق باقىلاۋ كۇشەيتىلگەن، دەپ حابارلايدى «سينحۋا» اگەنتتىگى. ق ح ر ش ۇ ا ا-عا «الاشاڭقاي» ارقىلى وتەتىن بارلىق ادامدار دەنساۋلىق جاعدايى تۋرالى دەكلاراتسيانى ۇسىنۋعا مىندەتتى. ادامداردىڭ دەنە تەمپەراتۋراسى ۇنەمى ولشەنىپ، كولىك قۇرالدارى دەزينفەكتسيالانىپ تۇرادى.
