قازاقستان COVID-19 ۆاكتسيناسىنىڭ 4 نۇسقاسىن سىناقتان وتكىزۋدە
«ءبىز ۇمىتتەنىپ وتىرعان ءتورت ۆاكتسينا تاڭدالىپ الىندى. ونىڭ ەكەۋىن ۇلتتىق بيوتەحنولوگيا ورتالىعى، تاعى ەكەۋىن بيولوگيالىق قاۋىپسىزدىك پروبلەمالارى بويىنشا عىلىمي- زەرتتەۋ ينستيتۋتى ازىرلەدى. بۇل ۆاكتسينالاردى ازىرلەۋ جۇمىسى ەداۋىر ۋاقىتتى الادى. دايىنداۋ مەن سىناقتان وتكىزۋ ۋاقىتى ءۇش جىلعا دەيىن سوزىلادى. قازىردىڭ وزىندە جۇمىس باستالىپ كەتكەنىمەن وتاندىق ۆاكتسينا قاشان دايىن بولۋى مۇمكىن دەگەن سۇراقتىڭ بارىن بىلەمىز. ءبىزدىڭ ويىمىزشا بۇعان ءۇش جىل كەرەك»، - دەدى ارنۇر نۇرتايەۆ دەنساۋلىق ساقتاۋ مينيسترلىگىنىڭ Facebook پاراقشاسىندا سويلەگەن سوزىندە.
ول سونىمەن قاتار الەمدە قازىرگى تاڭدا قىتاي مەن ەۋروپاداعى ءارتۇرلى كومپانيا جەتى ۇمىتكەر- ۆاكتسينا ازىرلەپ جاتقانىن ءمالىم ەتتى. قازىر ۆاكتسينالار كلينيكالىق سىناقتان وتۋدە. ارنۇر نۇرتايەۆتىڭ ايتۋىنا قاراعاندا، الەمدە جاسالىپ جاتقان بۇل ۆاكتسينالار ءبىر جارىم جىلدىڭ ىشىندە دايىن بولادى.
