COVID-19 پەن پنيەۆمونيا جۇقتىرعان 1,2 مىڭ مەديتسينا قىزمەتكەر وتەماقى الدى
بۇل تۋرالى قازاقپارات ەڭبەك مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
COVID-19-بەن كۇرەسۋگە تارتىلعان 1259 مەديتسينا قىزمەتكەرى كوروناۆيرۋستىق ينفەكتسيانى نەمەسە ۆيرۋستىق پنيەۆمونيانى جۇقتىرعان جاعدايدا مەملەكەتتىك الەۋمەتتىك ساقتاندىرۋ قورىنان (بۇدان ءارى - م ءا س ق) بەرىلەتىن ءبىرجولعى الەۋمەتتىك تولەمدى الدى. سونداي-اق، م ءا س ق اۋرۋدىڭ سالدارىنان قايتىس بولعان 11 مەديتسينا قىزمەتكەرىنىڭ تۋىستارىنا تولەمدەر اۋداردى.
بۇدان بۇرىن حابارلانعانداي، جوعارىدا اتالعان تولەم تولەنەتىن مەديتسينا قىزمەتكەرلەرىن وڭىرلەردىڭ جانە رەسپۋبليكالىق ماڭىزى بار قالالاردىڭ دەنساۋلىق ساقتاۋ باسقارمالارى جانىنداعى ارنايى كوميسسيالار اۋىرعان مەديتسينا قىزمەتكەرلەرىن تەكسەرۋ ناتيجەلەرى نەگىزىندە انىقتايدى.
وتىنىمدەردىڭ جيناقتاۋدى قر دەنساۋلىق ساقتاۋ مينيسترلىگى جۇزەگە اسىرادى، ودان كەيىن وتىنىمدەر ەلەكتروندىق ءىس ماكەتتەرىن قالىپتاستىرۋ ءۇشىن «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق- قا بەرىلەدى، كەيىن تولەم تاعايىنداۋ ءۇشىن م ءا س ق- عا جىبەرىلەدى.
7- قىركۇيەك ساعات 9.00-دەگى جاعداي بويىنشا م ءا س ق COVID-19 نەمەسە ۆيرۋستىق پنيەۆمونيا جۇقتىرعان 1259 مەديتسينا قىزمەتكەرىنىڭ ءوتىنىشى بويىنشا جانە اۋرۋدىڭ سالدارىنان قايتىس بولعان 11 مەديتسينا قىزمەتكەرىنىڭ ءوتىنىش بويىنشا اقشالاي قاراجاتتى تاعايىنداۋ مەن تولەۋدى جۇزەگە اسىردى.
وڭىرلەر بولىنىسىندە مەديتسينا قىزمەتكەرلەرىنە COVID-19 نەمەسە ۆيرۋستىق پنيەۆمونيانى جۇقتىرۋ جاعدايىنا تولەمدەردىڭ ەڭ كوپ سانى نۇر- سۇلتان (251) جانە الماتى قالالارىنان (139)، الماتى (105)، قاراعاندى (97) جانە اقمولا (95) وبلىستارىنان جۇرگىزىلدى.
ەستەرىڭىزگە سالا كەتەيىك، ق ر ەڭبەك جانە حالىقتى الەۋمەتتىك قورعاۋ ءمينيسترى مەن ق ر دەنساۋلىق ساقتاۋ ءمينيسترىنىڭ 9- ساۋىردەگى «دەنساۋلىق ساقتاۋ ۇيىمدارىنىڭ COVID-19 كوروناۆيرۋستىق ينفەكتسياسىنا قارسى كۇرەس جونىندەگى ەپيدەمياعا قارسى ءىس-شارالارعا تارتىلعان قىزمەتكەرلەرى اتالعان ينفەكتسيانى جۇقتىرعان نەمەسە ودان قايتىس بولعان جاعدايدا ولارعا ءبىرجولعى الەۋمەتتىك تولەمدى جۇزەگە اسىرۋ قاعيدالارىن بەكىتۋ تۋرالى» بىرلەسكەن بۇيرىعىنا اعىمداعى جىلدىڭ 22- شىلدەسىندە ەنگىزىلگەن وزگەرىستەرگە سايكەس جوعارىدا كورسەتىلگەن تولەم: - كوروناۆيرۋستىق ينفەكتسيا نەمەسە ۆيرۋستىق پنيەۆمونيا جۇقتىرعان مەديتسينا قىزمەتكەرلەرىنە - 2 ميلليون تەڭگە؛ - COVID-19 كوروناۆيرۋستىق ينفەكتسياسىن جۇقتىرعاننان، ۆيرۋستىق پنيەۆمونيامەن اۋىرىپ قايتىس بولعان جاعدايدا ولاردىڭ وتباسىنا - 10 ميلليون تەڭگە كولەمىندە تولەنەدى.
