ءۇندىستان امەريكادا زاڭسىز جۇرگەن ازاماتتارىن قابىلداۋعا دايىن

ءۇندىستاننىڭ پرەمەر-ءمينيسترى نارەندرا مودي اق ءۇي باسشىسى دونالد ترامپپەن كەزدەسۋىندە وسىلاي دەپ مالىمدەدى. سونداي-اق ول ميگرانتتاردىڭ ا ق ش-قا قاراي اعىلۋىنا ادام ساۋداسى قىلمىسى سەبەپ ەكەنىن اشىق ايتتى.

«امەريكاعا كوبىنە ارمان قۋىپ كەلەتىن جاسوسپىرىمدەر مەن جاستار. ال ولاردىڭ شىن مانىندە، قىلمىستىق توپتاردىڭ قۇرىعىنا ءتۇسىپ قالعانىن اڭعارۋ قيىن ەمەس»، - دەيدى ول.

Pew Research Center كەلتىرگەن مالىمەتكە سايكەس ا ق ش- تا 725 مىڭنان استام ءۇندى ازاماتى رۇقساتسىز ءجۇر. بۇل كورسەتكىش بارلىق ەل بويىنشا مەكسيكا مەن سالۆادوردان كەيىن ءۇشىنشى ورىندا.

نارەندرا مودي، ءۇندىستان پرەمەر-ءمينيسترى:

- ا ق ش- قا كەلەتىندەردىڭ كوبى جاعدايى تومەن وتباسىدان شىققان جاستار. ولار مۇندا ارمان قۋىپ كەلەدى. ال شىن مانىندە، ادام ساۋداسىنا جەگىلگەنىن بىلمەيدى. سول سەبەپتى ءبىز ادام ساۋداسىن قىسقارتىپ، تولىعىمەن جويۋعا كۇش سالۋىمىز كەرەك. قىلمىستىق توپتاردىڭ ارەكەتىنە قارسى كۇرەسۋگە ءتيىسپىز. ترامپ مىرزا، ءۇندىستان بۇعان قولجەتكىزۋ ءۇشىن ءسىزدىڭ باستاماڭىزدى تولىق قولدايدى.

دونالد ترامپ، ا ق ش پرەزيدەنتى:

- ۇندىستانمەن ارادا الشاقتىق بايقالادى. بۇل جىلدار بويى جالعاسىپ كەلە جاتىر. ەگەر مۇنى توقتاتۋ كەرەك بولسا، مەن قولدان كەلگەنىن جاساۋعا دايىنمىن. ءبىز قىتاي، ءۇندىستان، رەسەي، ا ق ش، ءبارىمىز جاقسى ءتىل تابىسامىز دەپ ۇمىتتەنەمىن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى