ءماسىموۆتىڭ استاناداعى سارايى 1,8 ميلليارد تەڭگەگە ساتىلىمعا شىعارىلدى
استانا. KAZINFORM - «قايتارىلعان اكتيۆتەردى باسقارۋ كومپانياسى» ج ش س 2022 -جىلعا قاڭتار تراگەدياسىنا دەيىن ۇلتتىق قاۋىپسىزدىك كوميتەتىنىڭ ءتوراعاسى بولعان كارىم ماسىموۆكە تيەسىلى دەلىنەتىن ءۇيدى ساتىلىمعا شىعاردى.
25-اقپاندا ساعات 10.00 دە باستالاتىن ساۋداعا رەسمي شىعارىلاتىن جىلجىمايتىن مۇلىكتىڭ باستاپقى باعاسى 1,8 ميلليارد تەڭگە دەپ كورسەتىلگەن.
«قايتارىلعان اكتيۆتەردى باسقارۋ كومپانياسى» ج ش س 2025 -جىلعى 25 - اقپاندا ساعات 10:00 دە E- Qazyna ۆەب- پلاتفورماسىندا ەلەكتروندىق ساۋدا وتكىزىلەتىنىن حابارلايدى.
- اۋكسيون اياسىندا استانا قالاسى، نۇرا اۋدانى، قاراوتكەل شاعىن اۋدانى، ەرەيمەنتاۋ كوشەسى، 1-قۇرىلىس مەكەنجايىندا ورنالاسقان جەرتولەسى بار تۇرعىن ءۇي ساتىلىمعا قويىلادى. نىسان بارلىق قاتىسۋشى ءۇشىن تەڭ قولجەتىمدىلىكتى قامتاماسىز ەتەتىن اشىق جانە باسەكەگە قابىلەتتى شارتتاردا جۇزەگە اسىرىلادى، - دەپ جازىلعان كومپانيانىڭ رەسمي سايتىندا.
نىساننىڭ كارىم ماسىموۆكە تيەسىلى ەكەنىن ب ا ق بۇعان دەيىن ۇلتتىق قاۋىپسىزدىك كوميتەتى تاراتقان سۋرەتتەرگە سۇيەنىپ حابارلاۋدا.
E- Qazyna ۆەب- پلاتفورماسىندا جاريالانعان قۇجاتتاردان نىساننىڭ قايتارىلعان اكتيۆتەردى باسقارۋ كومپانياسىنا 2024 -جىلدىڭ 19 - قاراشاسىندا بەرىلگەنىن كورۋگە بولادى.
ەسكە سالساق ۇ ق ك بۇرىنعى ءتوراعاسى كارىم ءماسىموۆ 2022 -جىلعى 8 -قاڭتاردا ۇستالعان بولاتىن.
