ءماجىلىس تۇركىستان قالاسىنا ەرەكشە مارتەبە بەرەتىن زاڭ جوباسىن ماقۇلدادى
KAZINFORM. استانا - ءماجىلىستىڭ جالپى وتىرىسىندا تۇركىستان قالاسىنا ەرەكشە مارتەبە بەرۋ تۋرالى زاڭ جوباسى ماقۇلداندى.
پرەمەر- ءمينيستردىڭ ورىنباسارى - ۇلتتىق ەكونوميكا ءمينيسترى نۇرلان بايبازاروۆ زاڭ جوباسىن ازىرلەگەن كەزدە انگليا، يتاليا، وزبەكستان، ازەربايجان سياقتى ەلدەردىڭ تاجىريبەسى نەگىزگە الىنعانىن ايتتى.
زاڭ جوباسى ارقىلى تۇركىستان قالاسىنىڭ اكىمدىگى مەن ءماسليحاتىنا قوسىمشا 34 قۇزىرەتتى بەرۋ كوزدەلگەن.
ونىڭ ىشىندە قالا ءماسليحاتىنا قالانىڭ ديزاين كودىن بەلگىلەپ، قالا قۇرىلىسىن جوسپارلاۋ قاعيدالارىن بەكىتۋ قۇزىرەتى بەرىلمەك. قالادا جۇمىس ىستەيتىن ۇلتتىق قولونەر شەبەرلەرىنىڭ شىعىنىن ءىشىنارا بيۋدجەتتەن وتەۋ قاعيدالارىن بەلگىلەۋ دە جەرگىلىكتى ءماسليحاتقا جۇكتەلمەك.
ال قالا اكىمدىگىنە كەسەنە اينالاسىنداعى قۇرىلىس ستاندارتتارىن بەلگىلەۋ قۇزىرەتى بەرىلمەك.
نۇرلان بايبازاروۆ وسى زاڭدى ىسكە اسىرۋ ءۇشىن وزگە زاڭداردى وسى نورماتيۆتىك قۇجاتتىڭ تالاپتارىمەن سايكەستەندىرۋ قاجەتتىگىن ايتتى. ىلەسپە زاڭ جەر كودەكسىنە، «ق ر ساۋلەت، قالا قۇرىلىسى جانە قۇرىلىس قىزمەتى تۋرالى»، «تاريحي- مادەني مۇرا وبەكتىلەرىن قورعاۋ جانە پايدالانۋ تۋرالى»، «ق ر تۋريستىك قىزمەت تۋرالى» زاڭدارعا وزگەرتۋلەر مەن تولىقتىرۋلار ەنگىزۋگە ارنالادى.
وسىعان دەيىن قوجا احمەت ياساۋي كەسەنەسىنەن 100 مەتر راديۋستا بيىك عيمارات سالۋعا زاڭمەن تىيىم سالىناتىنى تۋرالى حابارلادىق.
