ءماجىلىس ترانسشەكارالىق وزەندەردى حالىقارالىق قۇقىق نەگىزىندە پايدالانۋعا قاتىستى زاڭدى قابىلدادى

بۇل كونۆەنتسيانى بىرىككەن ۇلتتار ۇيىمىنىڭ باس اسسامبلەياسى 1997 -جىلعى 21-مامىردا قابىلداپ، 2014 -جىلعى 17-تامىزدان باستاپ كۇشىنە ەندى. قازىرگى كەزدە كونۆەنتسياعا 37 مەملەكەت قوسىلعان.

«قازاقستانمەن كورشىلەس ەلدەردىڭ ىشىندە تەك وزبەكستان رەسپۋبليكاسى كونۆەنسياعا مۇشە (2007 -جىلدان باستاپ) رەتىندە تىركەلدى. كونۆەنسيا حالىقارالىق سۋ قۇقىعىنىڭ نەگىزگى پروگرەسسيۆتى قاعيداتتارىن، سەكتورارالىق ىنتىماقتاستىقتى، حالىقارالىق سۋ اعىندارىنىڭ سۋ جانە ەكولوگيالىق اسپەكتىلەرىن جانە تۇراقتى دامۋ ماقساتتارىنىڭ نىسانالى ينديكاتورلارىن ەسكەرەتىن جاھاندىق حالىقارالىق نەگىزگى قۇجات سانالادى. قۇجات ترانسشەكارالىق وزەندەر مەن كولدەردى جانە ولارمەن بايلانىستى جەراستى سۋلارىن بۇكىل الەمدە تەڭ قۇقىقتى ءارى تۇراقتى باسقارۋعا ىقپال ەتەتىن جاھاندىق قۇقىقتىق مەحانيزم رەتىندە قابىلدانعان. كونۆەنتسياعا قوسىلۋ قازاقستاننىڭ ترانسشەكارالىق وزەندەردى حالىقارالىق قۇقىق قاعيداتتارى نەگىزىندە پايدالانۋ جانە قورعاۋ ماسەلەسى بويىنشا كورشى ەلدەرمەن ءوزارا ءىس-قيمىلداعى ۇستانىمىن نىعايتادى»، - دەدى ق ر سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ.

ونىڭ پايىمىنشا، قازاقستان ءۇشىن ترانسشەكارالىق سۋلاردى پايدالانۋ جونىندەگى كۇردەلى ماسەلەلەردى شەشۋ بارىسىندا تانىلعان حالىقارالىق تاجىريبە مەن بىلىمگە سۇيەنۋ وتە ماڭىزدى.

بۇل ترانسشەكارالىق سۋدى پايدالانۋدىڭ نەعۇرلىم وتكىر مەملەكەتارالىق ماسەلەلەردى شەشۋ ءۇشىن ورتاق قۇقىقتىق الاڭ قۇرۋعا مۇمكىندىك بەرەدى.

«بىرىككەن ۇلتتار ۇيىمى كونۆەنتسياسىنىڭ نەگىزگى باپتارىنا توقتالىپ وتپەكپىن. 5-باپ - سۋ اعىنى مەملەكەتتەرى وزدەرىنىڭ ءتيىستى اۋماقتارى شەگىندە حالىقارالىق سۋ اعىنىن ءادىل جانە اقىلعا قونىمدى پايدالانادى. اتاپ ايتقاندا، سۋ اعىنى مەملەكەتتەرى حالىقارالىق سۋ اعىنىن ونى وڭتايلى ءارى ورنىقتى پايدالانۋعا قول جەتكىزۋ جانە وسىعان بايلانىستى پايدا الۋ ماقساتىندا، ءتيىستى سۋ اعىنى مەملەكەتتەرىنىڭ مۇددەلەرىن ەسكەرە وتىرىپ، سۋ اعىنىن تيىسىنشە قورعاعان كەزدە پايدالانادى ءارى يگەرەدى. حالىقارالىق سۋ اعىنىن پايدالانۋ تۇرلەرى اراسىندا قايشىلىق بولعان جاعدايدا، بۇل ماسەلە 5-7-باپتاردى ەسكەرە وتىرىپ شەشىلۋگە ءتيىس، ياعني حالىقارالىق سۋ اعىندارىنداعى سۋدىڭ ءتيىستى ساپاسى ساقتالۋى جانە قاۋىپسىز اۋىز سۋمەن قامتاماسىز ەتىلۋى كەرەك»، - دەدى مينيستر.

ونىڭ سوزىنە قاراعاندا، بۇل قۇجات مۇددەلى مەملەكەتتىك ورگاندارمەن كەلىسىلىپ، ءتيىستى قورىتىندىلار، سونداي-اق عىلىمي لينگۆيستيكالىق جانە عىلىمي قۇقىقتىق ساراپتامالار قورىتىندىلارى الىندى.

اۆتور

رۋسلان عابباسوۆ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى