ءماجىلىس ءتوراعاسى ەرلان قوشانوۆ رەسەيگە جۇمىس ساپارىمەن بارادى
استانا. KAZINFORM - بيىل ناۋرىزدا ق ر پارلامەنتى ءماجىلىسىنىڭ ءتوراعاسى ەرلان قوشانوۆ رەسەي فەدەراتسياسىنا جۇمىس ساپارىمەن بارادى دەپ جوسپارلانۋدا.
«2024 -جىلعى 3-5- ناۋرىز ارالىعىندا ق ر پارلامەنتى ءماجىلىسىنىڭ ءتوراعاسى ەرلان قوشانوۆتىڭ رەسەي فەدەراتسياسىنا، اتاپ ايتقاندا ماسكەۋ جانە قازان قالالارىنا رەسمي ساپارى جوسپارلانۋدا»، - دەدى سىرتقى ىستەر مينيسترلىگىنىڭ رەسمي وكىلى ايبەك سمادياروۆ ۆەدومستۆودا وتكەن بريفينگىدە.
ونىڭ ايتۋىنشا، ساپار بارىسىندا ماسكەۋدە رەسەي فەدەراتسياسى مەملەكەتتىك دۋماسىنىڭ ءتوراعاسى ۆياچەسلاۆ ۆولودينمەن، فەدەراتسيا كەڭەسىنىڭ ءتوراعاسى ۆالەنتينا ماتۆيەنكومەن ەكىجاقتى كەلىسسوزدەر جۇرگىزىلەدى.
سونداي- اق قازاندا تاتارستان رەسپۋبليكاسىنىڭ رايسى رۋستام ميننيحانوۆپەن جانە تاتارستان رەسپۋبليكاسى مەملەكەتتىك كەڭەسىنىڭ ءتوراعاسى فاريد مۇحامەتشينمەن ەكىجاقتى كەزدەسۋ جوسپارلانعان.
«ودان بولەك، ساپار اياسىندا تاراپتار پارلامەنتارالىق ءوزارا ءىس- قيمىلدى، ساۋدا- ەكونوميكالىق جانە مادەني- گۋمانيتارلىق سالالار بويىنشا ەكىجاقتى ىنتىماقتاستىقتى ودان ءارى نىعايتۋ ماسەلەلەرىن تالقىلايدى»، - دەيدى ول.
اۆتور
داۋلەت ىزتىلەۋ
