ءماجىلىس «ايبىن» وردەنىن داڭقتى باتىرلاردىڭ ەسىمىمەن اتاۋعا قاتىستى قۇجاتتى تالقىلايدى
استانا. KAZINFORM - پارلامەنت ءماجىلىسىنىڭ قاراۋىنا «قازاقستان رەسپۋبليكاسىنىڭ مەملەكەتتىك ناگرادالارى تۋرالى» قازاقستان رەسپۋبليكاسى زاڭىنا وزگەرىستەر مەن تولىقتىرۋ ەنگىزۋ تۋرالى» زاڭ جوباسى كەلىپ ءتۇستى.
«بۇل زاڭ جوباسى مەملەكەت باسشىسىنىڭ ۇلتتىق قۇرىلتايدىڭ ءۇشىنشى وتىرىسىندا بەرگەن تاپسىرماسىن ورىنداۋ اياسىندا پارلامەنتتەگى ءبىر توپ دەپۋتاتتىڭ باستاماسىمەن ازىرلەندى. مەملەكەتتىك ناگرادالار جۇيەسىن جەتىلدىرۋ جانە اسا كورنەكتى اسكەري تۇرعالارىمىزدىڭ ەرلىگىن ماڭگى ەستە قالدىرۋ ماقساتىندا ساعادات نۇرماعامبەتوۆ، باۋىرجان مومىش ۇلى جانە راقىمجان قوشقاربايەۆتىڭ ەسىمدەرىن «ايبىن» وردەنىنىڭ دارەجەلەرىنە بەرۋ جونىندە وزگەرىستەر مەن تولىقتىرۋلار ۇسىنىلادى. ءماجىلىستىڭ حالىقارالىق ىستەر، قورعانىس جانە قاۋىپسىزدىك كوميتەتى وسى زاڭ جوباسى بويىنشا ءتيىستى قورىتىندىنى دايارلاۋعا دايىن»، - دەدى ءماجىلىس دەپۋتاتى ايگۇل قۇسپان پالاتانىڭ جالپى وتىرىسىندا.
ەسكە سالساق، بيىل ناۋرىز ايىندا پرەزيدەنت قاسىم-جومارت توقايەۆ «ايبىن» وردەنىن ءتۇرلى دارەجەسىن داڭقتى باتىرلاردىڭ اتىمەن اتاۋدى ۇسىنعان ەدى.
وسىدان كەيىن ءماجىلىس دەپۋتاتى ەدىل جاڭبىرشين بيىل داڭقتى باتىرلار اتىنداعى وردەندەردى ساربازدارعا تابىستاۋعا قاتىستى دەپۋتاتتىق ساۋال جولدادى.
اۆتور
رۋسلان عابباسوۆ
