ءجۇرسىن ەرمان قازىرگى جاعدايى تۋرالى ايتتى
استانا. KAZINFORM - ايتىس جۇرگىزۋشىسى ءجۇرسىن ەرمان جانداربەك بۇلعاقوۆتىڭ youtube-ارناسىنا بەرگەن سۇحباتىندا اۋىر دەرتى تۋرالى ايتتى، دەپ جازادى Massaget.kz.
ونىڭ ايتۋىنشا، ءبىر ايەل ءتۇس كورىپ، اۋرۋىنىڭ ەمىنە ايان بەرىلگەن.
بىردە ماعان ءبىر ايەل حابارلاسىپ، «9 جىل زەرتتەپ، جاڭا ءدارى ويلاپ شىعاردىق، باسقا جەردىڭ كۇرىشىنەن شىقپادى، تەك باقاناستىكىنەن عانا شىقتى» دەدى. وسى ءدارىنى شىعارعان سوڭ ول ءتۇس كورگەن ەكەن.
«ماعان تۇسىمە «ءجۇرسىن ەرمانعا وسى ءدارىنى اپارىپ بەر، ەم بولادى» دەپ ايان بەردى» دەپ ايتتى. ءبىر ايدان بەرى سونىڭ ءدارىسىن ءىشىپ جاتىرمىن. مەنى ەمدەمەگەن ەمشى قالعان جوق. شۇكىر اللاعا، كوپتىڭ تىلەگى قابىل بولدى ما، اجالدىڭ اۋزىنا بارىپ قايتىپ، «وندا قىزىق ەشتەڭە جوق ەكەن» دەپ امان ءجۇرىپ جاتىرمىز، - دەدى ول.
