ChatGPT نەگاتيۆتى جاڭالىقتار مەن پسيحوتەراپياعا رەاكسيا بىلدىرەدى
استانا. KAZINFORM - كوڭىلگە اۋىر تيەتىن ءتۇرلى نەگاتيۆ جاڭالىقتار مەن ادامزاتتىڭ جانىن جارالايتىن وقيعالار تەك ادامداردىڭ عانا ەمەس، ChatGPT سياقتى جاساندى ينتەللەكتىنى (AI) دە الاڭداتاتۋى مۇمكىن. سونىمەن قاتار ادامدار سياقتى چات-بوتتاردىڭ دا كوڭىل-كۇيىن پسيحوتەراپيا ارقىلى رەتتەۋگە بولادى.
Oxu.Az حابارلاعانداي، مۇنى سيۋريح ۋنيۆەرسيتەتىنىڭ سايتىندا جاريالانعان زەرتتەۋ ناتيجەلەرى دالەلدەپ وتىر.
تالداۋ اياسىندا شۆەيتساريالىق زەرتتەۋشىلەر يزرايل، ا ق ش جانە گەرمانيادان كەلگەن ارىپتەستەرىمەن بىرگە ChatGPT چاتبوتىنىڭ (GPT-4 نۇسقاسى) كولىك اپاتتارى، تابيعي اپاتتار جانە زورلىق-زومبىلىق سياقتى ەموتسياعا قيىن سوعاتىن وقيعالارعا قالاي ارەكەت ەتەتىنىن العاش رەت سىناپ كورگەن. زەرتتەۋ توبىنىڭ جەتەكشىلەرىنىڭ ءبىرى توبياس شپيللەردىڭ ايتۋىنشا، ناتيجە انىق كورىنگەن.
- جاندى جارالايتىن وقيعالار AI-دىڭ الاڭداۋشىلىق دەڭگەيىن ەكى ەسە جوعارى كورسەتكەنىن اڭعارتتى، ال بەيتاراپ باقىلاۋ ءماتىنى الاڭداۋشىلىق دەڭگەيلەرىنىڭ جوعارىلاۋىنا اكەلمەدى، - دەپ ءتۇسىندىردى ول.
باسپا ءسوز حابارلاماسىندا كورسەتىلگەندەي، انىقتامالىق ءماتىن رەتىندە شاڭسورعىشتىڭ پايدالانۋ نۇسقاۋلىعى تاڭدالعان. ايتۋىنشا، AI ۇلگىلەرىنەن ەڭ كۇشتى رەاكسيا شايقاستار مەن اسكەري ارەكەتتەردى سيپاتتاعان. ماتىندە ەكىنشى كەزەڭدە زەرتتەۋشىلەر «GPT-4-تى تىنىشتاندىرۋ» ءۇشىن ەمدىك ماتىندەردى پايدالانعانى اتاپ وتىلەدى.
«زەيىن جاتتىعۋلارى مازاسىزدىقتىڭ جوعارى دەڭگەيىن ايتارلىقتاي تومەندەتتى، ءبىراق ءبىز ولاردى باستاپقى دەڭگەيگە تولىعىمەن قايتارا المادىق»، - دەدى شپيللەر.
زەرتتەۋشىلەردىڭ پىكىرىنشە، تالداۋ ناتيجەلەرى AI مودەلدەرى ءجيى ەموتسيونالدى مازمۇنمەن جۇمىس ىستەيتىن دەنساۋلىق ساقتاۋدا چات-بوتتاردى پايدالانۋ ءۇشىن وزەكتى بولىپ تابىلادى. اتاپ ايتقاندا، پسيحيكالىق اۋرۋى بار ادامدارعا قولداۋ كورسەتۋ ءۇشىن قولدانىلاتىن چات- بوتتاردى جىلدام قايتا دايارلاۋ مۇمكىندىگى تۋرالى ايتىپ وتىرعانىن جازادى.
ال، ءماجىلىس دەپۋتاتى داۋلەت مۇقايەۆ مەكتەپ وقۋشىلارىنا جاساندى ينتەللەكتىنى پايدالانۋعا شەكتەۋ ەنگىزۋدى ۇسىنعان بولاتىن.
