ءۇشىنشى التىن: بياتلوننان قازاقستان ەرلەر قۇراماسى التىن جانە كۇمىس مەدال ەنشىلەدى

ەرلەر اراسىندا بياتلوننان 10 شاقىرىم سپرينت دوداسىنا اسەت دۇيسەنوۆ، ۆلاديسلاۆ كيرەيەۆ، ۆاديم كۋرالەس جانە الەكساندر مۋحين قاتىستى.

جارىس قورىتىندىسى بويىنشا ۆلاديسلاۆ كيرەيەۆ 9 مينۋت 40.3 سەكۋند ناتيجە كورسەتىپ، جەڭىس تۇعىرىنا كوتەرىلدى. ال ۆاديم كۋرالەس مارە سىزىعىن ەكىنشى كەسىپ، ەل قورجىنىنا كۇمىس جۇلدە سىيلادى.

سونىمەن قاتار اسەت دۇيسەنوۆ پەن الەكساندر مۋحين مارەگە 6-7- بولىپ جەتتى.

ايتا كەتەيىك، بۇل - قازاقستان دەلەگاتسياسىنىڭ قىسقى ازيا ويىندارىنداعى ءۇشىنشى التىن مەدالى.

بۇعان دەيىن شەرزود حاشيربايەۆ جانە رومان يۆانوۆ فريستايل-اكروباتيكادان ەرلەر اراسىندا سينحروندى سەكىرۋ سىنىندا 97.92 ۇپاي جيناپ، ەل قورجىنىنا ەكىنشى التىن مەدال سالعان ەدى.

اۆتور

مۇحتار قاليموللا ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى