ءۇش كۇن بويى جەل سوقپاعان وسكەمەن قالاسىن ءتۇتىن باسىپ تۇر

- بۇگىن ساعات 20.00-دەن باستاپ 7 -جەلتوقسان 20.00-گە دەيىن وسكەمەندە ەكىنشى دارەجە تۋرالى ەسكەرتۋ جاريالاندى، - دەپ حابارلادى «قازگيدرومەت» ر م ك- دان.

وسىمەن جەل سوقپاي، قالا كوشەلەرىن ءتۇتىن تۇمشالاپ تۇرعانىنا - ءۇشىنشى كۇن. ونىڭ الدىندا 20-قاراشادا باستالعان قولايسىز مەتەورولوگيالىق جاعداي 2-جەلتوقسانعا دەيىن سوزىلعان بولاتىن.

وسكەمەندىكتەر جەلسىز كۇندەرى كوشەگە شىققاندا قاتتى جوتەلىپ، باستارى اۋىرىپ، تاماقتارى كۇيىپ، جۇرەكتەرى اينىعانىن ايتىپ شاعىمدانىپ كەلەدى. دارىگەرلەر قولايسىز مەتەورولوگيالىق جاعداي قالىپتاسقان كۇندەرى حالىققا دالادا كوپ جۇرمەۋگە كەڭەس بەردى.

ەسكە سالساق، وسىعان دەيىن وسكەمەن قالاسىندا ەكولوگيالىق جاعدايدى جاقسارتۋعا قوسىمشا قارجى بولىنەتىنى حابارلانعان.

اۆتور

تالعاتجان مۇحامەتبەك ۇلى

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى