ءۇش بالاسىنا 2 ميلليون تەڭگەدەن استام اليمەنت تولەمەگەن اتىراۋلىق قاماۋدا وتىر
اتىراۋ وبلىسىندا اليمەنتىن تولەمەگەن ەر ادام اكىمشىلىك قاماۋعا الىندى. بورىشكەر اكە ءۇش بالاسىنا 2 ميلليون تەڭگەدەن استام اليمەنتىن تولەمەي جۇرگەن، دەپ حابارلايدى Kazinform.
ءۇش بالاسىنا 2 ميلليون 75 مىڭ تەڭگە اليمەنتىن تولەمەي جۇرگەن بورىشكەر اكە ماحامبەت اۋدانىندا تۇرادى.
وعان قاتىستى اكىمشىلىك قۇقىق بۇزۋشىلىق تۋرالى ءىس اۋداندىق سوتتا قارالدى.
«ماحامبەت اۋداندىق سوتىنىڭ 2022-جىلعى 18- ناۋرىزداعى بۇيرىعىنا سايكەس، بورىشكەر ب. ا- دان كامەلەتكە تولماعان ءۇش بالاسىن اسىراپ-باعۋ ءۇشىن ايلىق تابىسىنىڭ جانە وزگە دە كىرىسىنىڭ تەڭ جارتىسى مولشەرىندە اليمەنت وندىرىلگەن. الايدا، ب. ا. سوت بۇيرىعىن ورىنداماي، اليمەنت تولەمەگەن. ونىڭ اليمەنت بەرەشەگى - 2 ميلليون 75 مىڭ 862 تەڭگە. وسىعان بايلانىستى ب. ا- عا قاتىستى اكىمشىلىك قۇقىق بۇزۋ تۋرالى كودەكستىڭ 669-بابىنىڭ 1-بولىگىمەن اكىمشىلىك ءىس قارالدى»، - دەپ حابارلادى اۋداندىق سوتتان.
اۋداندىق سوتتىڭ وتىرىسىندا بورىشكەر اكە ب. ا. ءوز كىناسىن تولىق مويىنداعان.
سوت قاۋلىسىمەن ب. ا. ايىپ تاعىلعان باپپەن كىنالى دەپ تانىلىپ، 3 تاۋلىككە اكىمشىلىك قاماققا الىندى.
سوت قاۋلىسى زاڭدى كۇشىنە ەندى.
ەسكە سالا كەتەلىك، بۇدان بۇرىن اتىراۋ وبلىسىنىڭ ءۇش تۇرعىنى مال ۇرلاعانى ءۇشىن سوتتالعانىن حابارلاعان بولاتىنبىز.
