ءۇش ادامدى ءولتىرىپ، 24 جىل بويى قاشىپ جۇرگەن رەسەي ازاماتى اقتوبەدەن تابىلدى
اقتوبە پوليتسەيلەرى رەسەيلىك قۇقىق قورعاۋ ورگاندارىنان 24 جىل بويى جاسىرىنعان قىلمىسكەردى ۇستادى، دەپ حابارلايدى قازاقپارات پوليتسياعا سىلتەمە جاساپ.
كريمينالدىق پوليتسيا باسقارماسىنىڭ قىزمەتكەرلەرى ءۇش ادامدى ولتىرگەنى جانە قاراقشىلىق شابۋىل جاساعانى ءۇشىن ءوز ەلىندە ىزدەۋدە جۇرگەن رەسەي فەدەراتسياسىنىڭ 56 جاستاعى ازاماتىن ۇستادى.
ول 1999 -جىلدىڭ كۇزىندە ورىنبور قالاسىندا ادامدار توبىمەن (بۇرىن سوتتالعان جانە ۇستالعان 3 اداممەن) الدىن الا ءسوز بايلاسىپ، قارجىلاي پايدا تابۋ ماقساتىندا 3 ازاماتقا قاراقشىلىق شابۋىل جاساپ ولتىرگەن جانە قىلمىس ءىزىن جاسىرۋ ءۇشىن ولاردىڭ ءمايىتىن ورتەپ، كومىپ تاستاعان.
قازىرگى ۋاقىتتا ۇستالعان ادام تەرگەۋ يزولياتورىنا قامالدى.
ونى رەسەي فەدەراتسياسىنا ەكستراديتسيالاۋ ماسەلەسى شەشىلىپ جاتىر.
