ءدارى-دارمەك باعاسىنىڭ ءوسۋى تۋرالى اقپارات شىندىققا جاناسپايدى - كوميتەت
سپيرتكە اكسيزدى ەنگىزۋگە بايلانىستى قۇرامىندا سپيرتى بار دارىلىك زاتتاردىڭ قىمباتتاۋى تۋرالى اقپاراتقا قاتىستى ق ر ق م مەملەكەتتىك كىرىستەر كوميتەتىنىڭ باسپا ءسوز قىزمەتى مالىمدەمە جاسادى.
وندا ءدارى-دارمەك باعاسىنىڭ ايتارلىقتاي ءوسۋى تۋرالى اقپارات شىندىققا جاناسپايتىنى باياندالعان، دەپ حابارلايدى Kazinform.
2022-جىلى سالىق كودەكسىنە ەنگىزىلگەن وزگەرىستەرگە سايكەس 2024-جىلعى 1- قاڭتاردان باستاپ دارىلىك زاتتاردى ءوندىرۋ كەزىندە پايدالانىلاتىن سپيرتكە 1 ليتر سپيرت ءۇشىن 600 تەڭگە مولشەرلەمە بويىنشا اكسيز سالىنادى. بۇل 1 م ل سپيرتتە اكسيزدىڭ سوماسى نەبارى 60 تيىندى (600 تەڭگە/1000 م ل) قۇرايدى.
دارىلىك زاتتاردى وندىرۋدە ءسپيرتتىڭ از عانا مولشەرى قولدانىلادى، بۇل رەتتە ءدارى-دارمەكتەردەگى سپيرت قۇرامى از بولعاندا، باعانىڭ ءوسۋى دە سوعۇرلىم ەلەۋسىز بولادى.
ماسەلەن، بەكىتىلگەن تەحنولوگيالىق رەگلامەنتكە سايكەس 25 م ل كولەمدەگى انالىق ءشوپ تۇنباسىن ءوندىرۋ ءۇشىن 20,4 م ل سپيرت قاجەت. ءبىر قۇتىداعى اكسيزدىڭ سوماسى نەبارى 12,2 تەڭگەنى (60 تيىن*20,4 م ل) قۇرايدى. تيىسىنشە، ءبىر قۇتىداعى تۇنبانىڭ باعاسى تەك %9,4 عا ارتادى جانە 142 تەڭگەنى قۇرايدى (قازىر ءدارىحانالارداعى باعا 130 تەڭگە).
ەگەر «زەلەنكا» گاۋھار جاسىل ەرىتىندىسىن الساڭىز، وندا 10 م ل كولەمدەگى ءبىر قۇتى ەرىتىندى ءوندىرۋ ءۇشىن 6 م ل سپيرت قاجەت. ءبىر قۇتى ءۇشىن اكسيز سوماسى نەبارى 3,6 تەڭگەنى قۇرايدى. تيىسىنشە، ءبىر قۇتىنىڭ باعاسى تەك %2,8 عا ارتىپ، 134 تەڭگەنى قۇرايدى (قازىر ءدارىحانالارداعى باعاسى 130 تەڭگە).
باسقا ءدارى-دارمەكتەر بويىنشا دا باعانىڭ شامالى ءوسۋى بولادى، مىسالى:
- ۆالەريان تۇنباسى قۇتىسىنىڭ قۇنى (30 م ل) 16 تەڭگەگە نەمەسە %10,8 وسەدى؛
- روتوكان قۇتىسىنىڭ قۇنى (100 م ل) 20 تەڭگەگە نەمەسە %4,1 وسەدى؛
- مەنوۆازين قۇتىسىنىڭ قۇنى (50 م ل) 21,6 تەڭگەگە نەمەسە %7,4 عا وسەدى.
وسىلايشا، ءدارى- دارمەك باعاسىنىڭ ايتارلىقتاي ءوسۋى تۋرالى اقپارات شىندىققا جاناسپايدى.
سونىمەن قاتار قولدانىستاعى سالىق زاڭناماسىنا سايكەس فارماتسيەۆتيكا سالاسى سالىقتار بويىنشا بەلگىلى ءبىر جەڭىلدىكتەرگە يە، ماسەلەن دارىلىك زاتتاردىڭ ءوندىرىسى مەن يمپورتىنا قوسىلعان قۇن سالىعى سالىنبايدى.
