ءبىرىنشى وليمپيادالىق كيبەرسپورت ويىندارى 2027 -جىلى وتەدى
استانا. KAZINFORM - ىرىكتەۋ جارىستارى بيىل باستالادى.
- 2027 -جىلى ساۋد ارابياسىنىڭ ەر- رياد قالاسىندا كيبەرسپورت الەمى ءۇشىن دە، وليمپيادالىق قوزعالىس ءۇشىن دە ماڭىزدى وقيعا بولاتىن تۇڭعىش وليمپيادالىق كيبەرسپورت ويىندارى وتەدى، - دەلىنگەن حالىقارالىق وليمپيادا كوميتەتى (ح و ك) سايتىنداعى اقپاراتتا.
وليمپيادالىق كيبەرسپورت ويىندارىن ۇيىمداستىرۋ ءۇشىن ح و ك ساۋد ارابياسىنىڭ وليمپيادا جانە پاراليمپيادا كوميتەتىمەن ىنتىماقتاسادى.
- ەندى بىزدە كيبەرسپورت بويىنشا العاشقى وليمپيادالىق ويىنداردىڭ ناقتى جول كارتاسى بار، - دەدى ح و ك پرەزيدەنتى توماس باح.
وليمپيادالىق كيبەرسپورت ويىندارىن قۇرۋ تۋرالى شەشىم وتكەن جىلدىڭ شىلدەسىندە ح و ك- تىڭ 142-سەسسياسىندا قابىلدانعان. سول كەزدە العاشقى ويىندار 2025 -جىلى وتەدى دەپ حابارلانعان بولاتىن.
ەسكە سالساق، بۇعان دەيىن الماتىدا كيبەرسپورتتان ALMA CUP 2024 ءتۋرنيرى وتكەنىن حابارلادىق.
