ءبىرىڭعاي زەينەتاقى قورىندا قانشا جيناق بار

- 2025 -جىلدىڭ 1- قاڭتارداعى ەسەپ بويىنشا ءبىرىڭعاي جيناقتاۋشى زەينەتاقى قورىنداعى سالىمشىلاردىڭ جەكە زەينەتاقى شوتىنىڭ سانى 12,50 ميلليون استى. ونىڭ ىشىندە 11,15 ميلليون استامى مىندەتتى زەينەتاقى جارناسىنا ارنالعان شوت، شامامەن 715,52 مىڭى مىندەتتى كاسىپتىك زەينەتاقى جارناسى شوتى جانە 439,58 مىڭى ەرىكتى زەينەتاقى جارناسى شوتى اشىلعان، - دەلىنگەن ساۋال جاۋابىندا.

ايتا كەتسەك، بىلتىردان باستاپ ەلىمىزدە جۇمىس بەرۋشىلەر جۇمىسشىعا زەينەتاقى جارناسىن تولەۋگە مىندەتتەلدى. بۇل باعىتتا قورداعى زەينەتاقى شوتتارىنىڭ سانى 4,67 ميلليون اسقان.

- سالىمشىلاردىڭ جەكە جانە شارتتى شوتتارىنا بىلتىر تۇسكەن زەينەتاقى جارنالارىنىڭ مولشەرى 2,79 تريلليون تەڭگەگە جۋىق. بۇل - 2023 -جىلمەن سالىستىرعاندا %29 ارتىق، - دەپ حابارلايدى قوردان.

ءبىرىڭعاي جيناقتاۋشى زەينەتاقى قورىنداعى بارلىق جارنا وڭ سيپاتقا يە:

جەكە زەينەتاقى شوتتارىنا بىلتىر جىل بويى 2,44 تريلليون تەڭگەدەن استام جارنا ءتۇستى (2023 -جىلمەن سالىستىرعاندا %18,3 ارتىق)؛

مىندەتتى كاسىپتىك زەينەتاقى جارناسى 113,6 ميلليارد تەڭگە (ءوسىم %18,9)؛

ەرىكتى زەينەتاقى جارناسى 3,07 ميلليارد تەڭگە (ءوسىم %32,50) جينالدى؛

جۇمىس بەرۋشىلەر جۇمىسشىعا زەينەتاقى جارناسى شامامەن 231,24 ميلليارد تەڭگە.
- 2025 -جىلعى 1- قاڭتارداعى جاعداي بويىنشا ءبىرىڭعاي جيناقتاۋشى زەينەتاقى قورىنداعى زەينەتاقى جيناقتارىنىڭ كولەمى شامامەن 22,80 تريلليون تەڭگەگە جەتتى. سونىمەن قاتار بىلتىر ينۆەستيسيالىق كىرىس 3,36 تريلليون تەڭگەدەن استى. ونىڭ كولەمى 2023 -جىلمەن سالىستىرعاندا 1,79 تريلليون تەڭگەگە (%114,5) ارتىق، - دەلىنگەن رەسمي حابارلامادا.

بۇعان دەيىن ءبىرىڭعاي جيناقتاۋشى زەينەتاقى قورى «نۇربانك» ا ق سوتقا بەرىپ 120,4 ميلليون تەڭگە ديۆيدەند ءوندىرىپ العانى تۋرالى حابارلاعان ەدىك.

ايتا كەتسەك، مەملەكەت باسشىسى قاسىم-جومارت توقايەۆ بيىل ۇكىمەتتىڭ كەڭەيتىلگەن وتىرىسىندا قور قارجىسىن ستراتەگيالىق جوبالارعا تارتۋ تۋرالى دا پىكىر بىلدىرگەن ەدى.

سونداي-اق اگەنتتىك ءتىلشىسى مەملەكەت ءبىرىڭعاي جيناقتاۋشى زەينەتاقى قورىنداعى قازاقستاندىقتاردىڭ اقشاسىن ۇلتتىق بانك ارقىلى قالاي باسقارىپ وتىرعانىنا شولۋ جاسادى.

ودان بولەك قارجى نارىعىن رەتتەۋ جانە دامىتۋ اگەنتتىگىنىڭ وكىلى ب ج ز ق-داعى اقشاسى ازايىپ قالعانىنا شاعىمدانعان سالىمشىلارعا كەڭەس بەردى.

اۆتور

داۋلەت ىزتىلەۋ

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى