ءبىرىڭعاي جيناقتاۋشى زەينەتاقى قورىنىڭ اكتيۆتەرى قانداي شەتەلدىك اكسيالارعا سالىنعان

- 2025 -جىلعى 1-قاڭتارداعى مالىمەت بويىنشا ب ج ز ق زەينەتاقى اكتيۆتەرىنىڭ شامامەن %40- ى (17,2 ميلليارد دوللار نەمەسە 9 تريلليون تەڭگە) ۆاليۋتامەن ساقتاۋلى. پورتفەلدىڭ ۆاليۋتا بولىگى شەتەلدىڭ نەگىزگى اكتيۆ كلاستارىنا ينۆەستيتسيالانادى. ولارعا ا ق ش قازىناشىلىق وبليگاتسيالارى، دامۋشى ەلدەردىڭ مەملەكەتتىك وبليگاتسيالارى، ينۆەستيتسيالىق دەڭگەيدەگى كورپوراتيۆتىك وبليگاتسيالار مەن اكسيالار جاتادى، - دەدى ۇلتتىق بانك وكىلى سەناتتا وتكەن دوڭگەلەك ۇستەلدە.

سونداي-اق، ول دوللارمەن ساقتاۋلى اكتيۆتەر قانداي تانىمال كومپانيالاردىڭ اكسياسىندا جاتقانىن ايتتى.

- ۆاليۋتالىق پورتفەلدىڭ اكتيۆتەرى يندەكستىك نەگىزدە باسقارىلادى، يندەكس تاڭداۋلى ينۆەستيتسيا نارىعىنداعى كوپتەگەن باعالى قاعازدان تۇرادى. مىسالى، اكسيالار يندەكسى Apple, Microsoft, Tesla جانە باسقا دا كومپانيالاردىڭ 1000-نان استام ەميتەنتىنەن قۇرالادى، - دەدى نۇرجان تۇرسىنحانوۆ.

ب ج ز ق- ءنىڭ تەڭگەمەن ساقتاۋلى پورتفەلىنىڭ كولەمى 13,4 تريلليون تەڭگەگە جەتكەن. بۇل بۇكىل اكتيۆتىڭ %60- ى دەگەن ءسوز. ونىڭ شامامەن %70- ى مەملەكەتتىك باعالى قاعازدارعا، %15- ى كۆازيمەملەكەتتىك كومپانيالاردىڭ وبليگاتسيالارىنا، %7- ى بانكتەردىڭ وبليگاتسيالارىنا سالىنعان.

بۇعان دەيىن ۇلتتىق بانك ءتوراعاسىنىڭ ورىنباسارى اقىلجان بايماعامبەتوۆ ءبىرىڭعاي جيناقتاۋشى زەينەتاقى قورىنىڭ اقشاسى قانداي جوبالارعا ينۆەستيتسيالاناتىنىن ايتقان ەدى.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى