ءبىرىڭعاي جيناقتاۋشى زەينەتاقى قورى اقشاسى قالاي باسقارىلىپ وتىر

ب ج ز ق-نىڭ جالپى ىشكى ونىمدەگى ۇلەسى تومەندەپ كەلەدى

ب ج ز ق-داعى قاجەتتىلىك شەگىنەن ارتىلعان سومانى تۇرعىن ءۇي مەن ەمدەلۋگە جۇمساۋ رۇقساتى بەرىلگەننەن بەرى قازاقستاندىقتاردىڭ زەينەتاقى جيناقتارىنا دەگەن قىزىعۋشىلىعى ارتقانى بايقالادى. بۇل ءۇردىستى حالىقتىڭ قارجىلىق ساۋاتىن كوتەرەتىن وڭ تەندەنتسيا دەپ باعالاۋعا بولادى. الەۋمەتتىك جەلىدەن «ب ج ز ق-داعى اقشام ءبىر ءتۇننىڭ ىشىندە ونداعان مىڭ تەڭگەگە كەمىپ قالىپتى» دەيتىن شاعىمداردى ءجيى وقيتىن بولدىق. ۇلتتىق بانك پەن قارجى نارىعىن رەتتەۋ جانە دامىتۋ اگەنتتىگى دە، بجزق باسشىلىعى دا ونداي شاعىمدارعا شوتتاعى اقشانىڭ كولەمى ينۆەستيتسيالىق تابىسقا بايلانىستى قۇبىلىپ تۇراتىنىن ايتۋداي-اق ايتىپ كەلەدى.

- وكىنىشكە قاراي، سالىمشىلار ءجيى تۇسىنبەي جاتادى. ب ج ز ق-نىڭ ينۆەستيتسيالىق تابىستىلىعىن كەيىنگى ەكى ايدىڭ قورىتىندىسىنا قاراپ باعالاۋعا بولمايدى. «مەن شىعىنعا باتتىم» دەپ جاتادى. بۇل - ولاي ەمەس. ينۆەستيسيالىق تابىستىلىقتى ۇزاق مەرزىممەن ەسەپتەپ قاراۋ كەرەك، - دەيدى قارجى نارىعىن رەتتەۋ جانە دامىتۋ اگەنتتىگى ءتوراعاسىنىڭ ورىنباسارى ماريا حادجيەۆا.

ءبىراق بۇگىن-ەرتەڭ ارتىلعان سومانى تۇرعىن ءۇي ماسەلەسىن شەشۋگە نەمەسە ەمدەلۋگە جۇمساعالى وتىرعان ادام ءۇشىن سول ساتتە شوتتاعى اقشانىڭ ازايىپ شىعا كەلگەنى ادىلەتسىزدىك بولىپ كورىنەتىنى تۇسىنىكتى. قارجى نارىعىنىڭ قاراپايىم قيسىنعا سىيا بەرمەيتىن قالتارىستارىن قاراپايىم تىلمەن تالداپ كورەيىك.

سونىمەن، ەلىمىزدە ب ج ز ق-عا 11 ميلليون 141 مىڭ 115 ادام مىندەتتى سالىمشى رەتىندە، 439 مىڭ 212 ادام ەرىكتى سالىمشى رەتىندە، 714 مىڭ 78 ادام مىندەتتى كاسىپتىك زەينەتاقى سالىمشىسى رەتىندە تىركەلگەن. دەمەك، 20 ميلليوننان استام حالىقتىڭ 12,2 ميلليونى ب ج ز ق-عا اي سايىن اقشا اۋدارىپ كەلەدى دەگەن ءسوز.

وتكەن ءبىر جىلدىڭ ىشىندە سالىمشىلاردىڭ شوتىنداعى جيناقتارعا 4 تريلليون 674,2 ميلليارد تەڭگە تۇسكەن. وسىلايشا ب ج ز ق-داعى اكتيۆتىڭ جالپى سوماسى 22 تريلليون 538,9 ميلليارد تەڭگەگە جەتىپ وتىر.

ب ج ز ق اكتيۆىنىڭ تەڭگەدەي مولشەرى جىل سايىن ارتىپ كەلە جاتقانىمەن ەلدىڭ جالپى ىشكى ونىمىندەگى ۇلەسى 2022 -جىلدىڭ قاڭتارىنان بەرى تومەندەپ كەلەدى. بۇل كورسەتكىش 2022 -جىلدىڭ باسىندا 18,3 پايىز بولسا، 2023 -جىلى 15,6 پايىز، 2024 -جىلى 14,9 پايىز بولعان.

ب ج ز ق-نىڭ ينۆەستيتسيا پورتفەلىندە قاي ەلدىڭ ۇلەسى باسىم؟

ۇلتتىق بانكتىڭ ب ج ز ق اكتيۆىن ينۆەستيتسيالاۋ ساياساتىن «تىم كونسەرۆاتيۆتى» دەپ سىنايتىنداردىڭ داۋسى كەيىنگى كەزدە قاتتىراق شىعىپ ءجۇر. شىنىمەن دە، ب ج ز ق اقشاسى تابىستىلىق كورسەتكىشى ۇزاق مەرزىمدە عانا جاقسى ناتيجە بەرەتىن اكتيۆتەرگە سالىنعان. ەسەسىنە، ول اكتسيالار مەن وبليگاتسيالاردىڭ قۇنى كۇرت ءتۇسىپ كەتەدى دەيتىندەي تاۋەكەل از.

جۋىردا سەنات ۇيىمداستىرعان دوڭگەلەك ۇستەلدە وسى ساياسات بىرتىندەپ وزگەرەتىنى ايتىلدى. قارجى نارىعىن رەتتەۋ جانە دامىتۋ اگەنتتىگىنىڭ، ۇلتتىق بانكتىڭ، قازاقستان قارجىگەرلەرى قاۋىمداستىعىنىڭ، ب ج ز ق-نىڭ جانە زەينەتاقى اكتيۆتەرىن باسقارۋشى كومپانيالاردىڭ وكىلدەرىنەن قۇرىلعان جۇمىس توبى كىرىستىلىكتىڭ ەڭ تومەن دەڭگەيىنە جاڭا ءتاسىل ەنگىزۋ ءۇشىن كومپوزيتتىك يندەكستى ۇسىنىپ وتىر.

بۇل ءتاسىل ETF (ءتۇرلى كومپانيالار ۇسىناتىن قۇرالداردان جاساقتالعان امبەباپ اكسيالار) ساتىپ الۋ مۇمكىندىگىن اشىپ، شەتەل ۆاليۋتاسىنا ينۆەستيسيالاۋ ليميتتەرىن ۇلعايتۋعا باعىتتالعان.

«ب ج ز ق - ۇلتتىق قور ەمەس»

قارجى ساراپشىلارىنىڭ اراسىندا ب ج ز ق-نىڭ ينۆەستيتسيالىق ساياساتى بۇرىنعىداي بارىنشا ساقتىققا قۇرىلۋ كەرەك دەپ ەسەپتەيتىندەر كوپ. ويتكەنى، ات توبەلىندەي توپتىڭ قاتە شەشىمى ميلليونداعان ادامنىڭ تابان اقى، ماڭداي تەرىمەن تاپقان زەينەتاقى جيناعىن قۇنسىزداندىرىپ جىبەرۋى مۇمكىن.

ماريا حادجيەۆانىڭ سەنات دەپۋتاتىنىڭ سۇراعىنا جاۋاپ بەرە وتىرىپ:

- ب ج ز ق - ۇلتتىق قور ەمەس. ول جەردە ءاربىر قازاقستاندىقتىڭ ەڭبەكپەن تاپقان اقشاسى جاتىر، - دەگەنى وسى پايىمدارمەن ۇندەس.

كومپانيا باسشىسى پيتەر فوستەر جۋىقتا ب ا ق-قا بەرگەن سۇحباتىندا بۇل جاعدايدى بۇكىل الەمدەگى تەندەنتسيا رەتىندە باعالاپ، نارىقتاعى ءىرى ويىنشىلاردىڭ ىشىندە 1-2 كومپانيانىڭ اكسياسى عانا 2024 -جىلى ءوسىم كورسەتكەنىن ايتتى.

«ب ج ز ق اقشاسىن اۋە كومپانياسىنىڭ اكسياسىنا سالار كەزدە شەشىم قابىلداعان لاۋازىمدى ادامدار وسى جاعىن نەگە ەسكەرمەگەن؟» دەيتىن سۇراق تۋىندايدى.

ۇلتتىق بانك مونەتارلىق وپەراتسيالار دەپارتامەنتىنىڭ ديرەكتورى نۇرجان تۇرسىنحانوۆ بيىلعى كورسەتكىشتەرگە قاراپ Air Astana اكسيالارىنا اقشا سالۋ قاتە بولدى دەپ ايتۋعا ەرتە دەپ ەسەپتەيدى.

- ينۆەستيسيالىق قىزمەتتى ناقتى ءبىر قارجى قۇرالىمەن عانا ولشەۋگە بولمايدى. ءوز ساتىندە تابىستى قۇرالدار دا، تابىسى ازىراق قۇرالدار دا بولادى. بۇل جۇمىستى بەلگىلى كەزەڭدە جانە پورتفەلدەر جيىنتىعىندا قاراۋ كەرەك. جالپى ينۆەستيسيالار پورتفەلىن الىپ قاراساق، ۇلەسى 0,1 پايىز عانا شىعار. سوندىقتان ناقتى ءبىر قۇرالدىڭ بەلگىلى ءبىر ۋاقىتتا قۇلدىراپ كەتكەنىنە قاراپ. ينۆەستيسيانىڭ قانشالىقتى ءساتتى نە ءساتسىز بولعانىن باعالاۋعا بولمايدى. مەن جالپى پورتفەلدى باعالاي الامىن. جالپى پورتفەل ايتارلىقتاي تابىستى، - دەيدى ۇلتتىق بانك وكىلى.

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى