ءبىرىڭعاي ۋاقىت بەلدەۋىنەن نە ۇتامىز؟
استانا. قازاقپارات - ءوتىپ بارا جاتقان ۇلۋ جىلىنىڭ باستى جاڭالىقتارىنىڭ ءبىرى - قازاقستان ءبىرىڭعاي ۋاقىت بەلدەۋىنە ءوتتى. بۇل وزگەرىس قوعامدا قىزۋ پىكىر-تالاس تۋدىرىپ، پەتيتسيا جاريالاۋعا دەيىن بارعان ەدى.
دەگەنمەن، بۇگىندە ناقتى شەشىم قابىلدانىپ، ەلىمىزدىڭ بارلىق ءوڭىرى ءبىر ۋاقىتپەن كۇن كەشەتىن بولدى. ءبىرىڭعاي ۋاقىت بەلدەۋىنىڭ ەلىمىزگە قانداي پايداسى مەن نەندەي زيانى بار؟ قازاقستاندىق عالىمدار ەندى وسىنى انىقتاۋعا كىرىسەدى دەپ حابارلايدى baq.kz.
اتالعان اقپارات اگەنتتىگىنىڭ YouTube ارناسىنداعى «مىنبەر» جوباسى بۇل تاقىرىپتى كەزدەيسوق تاڭداپ وتىرعان جوق. سەبەبى، ءبىرىڭعاي ۋاقىت بەلدەۋى قازىر قوعامدا قىزىپ تۇرعان تاقىرىپتاردىڭ ءبىرى. ۋاقىتتىڭ وزگەرۋى تۇرعىندار دەنساۋلىعىنا قالاي اسەر ەتەدى؟ بۇل جاڭاشىلدىقتان نە ۇتامىز؟ ونى زەرتتەۋگە كىمدەر جاۋاپتى؟ بۇل سۇراقتارعا «مىنبەر» ستۋدياسىندا عىلىم جانە جوعارى ءبىلىم مينيسترلىگىنىڭ باسقارما باسشىسى رەنات ەلشىبەكوۆ جاۋاپ بەردى.
