ءبىرىڭعاي ۋاقىت بەلدەۋىنە كوشۋ: ش ق و- دا حالىقتىڭ جۇمىس گرافيگى وزگەرتىلە مە
وسكەمەن. KAZINFORM - شىعىس قازاقستان وبلىسىندا ءبىرىڭعاي ۋاقىت بەلدەۋىنە كوشۋگە بايلانىستى حالىقتىڭ جۇمىس گرافيگى وزگەرتىلۋى مۇمكىن. بۇل تۋرالى شىعىس قازاقستان وبلىسىنىڭ اكىمى ەرمەك كوشەربايەۆ ءمالىم ەتتى.
- مۇنداي شەشىم تەك جاعدايدى سارالاپ، تۇرعىنداردىڭ پىكىرى ەسكەرىلگەننەن كەيىن عانا قابىلدانادى. ازىرگە ناقتى ەشتەڭە ايتا المايمىز. ءبىراق حالىقتىڭ جۇمىس گرافيگى وزگەرتىلۋى مۇمكىن. سوعان بايلانىستى قوعامدىق كولىكتەردىڭ، بالاباقشالاردىڭ، مەكتەپتەر مەن ەمحانالاردىڭ جۇمىس ۋاقىتى دا وزگەرىسكە ۇشىراۋى ىقتيمال، - دەدى ول ق ر پرەزيدەنتى جانىنداعى ورتالىق كوممۋنيكاتسيالار قىزمەتىنىڭ كوشپەلى باسپا ءسوز كونفەرەنسياسىندا.
اكىمنىڭ ايتۋىنشا، قازىر ءار مەكەمەدە جۇمىس كەستەسى ءارتۇرلى. ماسەلەن، كەيبىر بالاباقشالار 8:00 دە، كەيبىرەۋلەرى 7:30 دا اشىلادى. سوندىقتان وبلىس بويىنشا ءبىرىڭعاي كەشەندى شەشىم قابىلداۋ قاجەت.
- بۇرىن جازعى جانە قىسقى ۋاقىتقا كوشىپ ءومىر سۇرگەنىمىز ەسىمىزدە. بۇل ماسەلەدە دە جان- جاقتى تالقىلاۋلار جۇرگىزىپ، ءبىر شەشىم قابىلداۋىمىز كەرەك، - دەدى ەرمەك كوشەربايەۆ.
ەسكە سالساق، وسىعان دەيىن وسكەمەن قالاسىنداعى ەكولوگيا ماسەلەسىن شەشۋ ءۇشىن ارنايى بيۋرو قۇرىلىپ، باقىلاۋدى كۇشەيتۋ كوزدەلىپ وتىرعانى حابارلانعان.
