نيگەريادا ەلدە 17 بالا تىرىدەي ورتەنىپ كەتكەن
نيگەريانىڭ سولتۇستىك-باتىسىندا ءتۇن ورتاسىندا مەكتەپ ورتەنىپ، شىرت ۇيقىدا جاتقان 17 وقۋشى تىرىدەي ورتەنىپ كەتكەن، - دەپ حابارلايدى ءتىلشىسى «حابار 24» تەلەارناسى.
مالىمەتكە سۇيەنسەك، قايعىلى وقيعا زامفارا شتاتىنىڭ كاۋرا نامودا اۋدانىندا بولعان. دەنەسىن كۇيىك شالعان تاعى 20 عا جۋىق بالا اۋرۋحاناعا جەتكىزىلدى.
«ازىرگە ءورتتىڭ شىعۋ سەبەبى بەلگىسىز. ەلدىڭ توتەنشە جاعدايلار اگەنتتىگى تەرگەۋدى باستادى»، - دەپ جازىلعان مالىمەتتە.
نيگەريا پرەزيدەنتى بولا تينۋبۋ قايتىس بولعانداردىڭ وتباسىنا كوڭىل ايتقان. ءورت كەزىندە مەكتەپتە 100 گە جۋىق بالا بولعان.
«تۇنگى 2 دە قالىڭ ۇيقىدا جاتقاندا ەسىكتى بىرەۋ قاعىپ، «ءورت، ءورت!» دەپ ايعايلاعانىنان شوشىپ وياندىم. جالما-جان تۇرىپ، دالاعا اتىپ شىقتىق. مەكتەپتىڭ توبەسى ورتكە ورانعان ەكەن. ادامدار ىشتەگىلەردى قۇتقارىپ جاتتى»، - دەگەن مۇعالىم حاليفا ابۋباكار.
