ءبىر جىلدا وندىرىستەگى جازاتايىم وقيعادان قانشا ادامنىڭ ءومىرى قيىلدى

- 1232 وندىرىستەگى جازاتايىم وقيعا ءبىر جىلدا تىركەلدى. ونىڭ 251 ءى ادام ولىمىمەن اياقتالدى. سول وقيعالاردىڭ 24 جاعدايى ەڭبەك قاۋىپسىزدىگى ەرەجەلەرىنىڭ بۇزىلۋىنان بولعان. بۇل جاي عانا ساندار ەمەس. بۇل - بىرەۋدىڭ ءومىرى. بىرەۋدىڭ وتباسى اكەسىز، اناسىز، ۇلسىز قالدى. مۇنىڭ ءبارى كەزدەيسوق ەمەس، بۇل - قاۋىپسىزدىك ەرەجەلەرىنە كوز جۇمۋدىڭ سالدارى. ەڭ قورقىنىشتىسى نە؟ ەڭبەك قاۋىپسىزدىگى ەرەجەلەرىن ورەسكەل بۇزعانداردىڭ جارتىسىنان كوبى تەك ەسكەرتۋ الادى. ال ەگەر بۇل بۇزۋشىلىق ادامنىڭ ءومىرىن قيىپ كەتسە شە؟ سول ادامنىڭ وتباسى الدىندا كىم جاۋاپ بەرەدى؟ مۇنى وزگەرتۋ كەرەك ەدى. ءبىز ونى وزگەرتتىك، - دەپ جازادى ءماجىلىس دەپۋتاتى.

ونىڭ اتاپ وتۋىنشە، اكىمشىلىك قۇقىق بۇزۋشىلىق تۋرالى كودەكسكە تۇزەتۋلەر ەنگىزىلدى. قىزۋ تالقىلاۋدان كەيىن ولار قابىلداندى. ەندى ەسكەرتۋ بولمايدى. تەك ناقتى جانە ءادىل جازالار بولادى. ناقتى ايتقاندا:

- ەڭبەك قاۋىپسىزدىگى ەرەجەلەرىن بۇزعانى ءۇشىن ەسكەرتۋلەر مۇلدەم الىنىپ تاستالدى.

- ايىپپۇلدار كولەمى ارتتى:

- العاشقى قۇقىق بۇزۋشىلىق ءۇشىن – 20 دان 120 ا ە ك- كە دەيىن (1 ا ە ك 3692 تەڭگە)؛

- قايتالانعان قۇقىق بۇزۋشىلىقتار ءۇشىن – 40 تان 240 ا ە ك- كە دەيىن.

- بۇل «ايىپپۇلمەن اقشا جيناۋ» ەمەس. بۇل - ادىلدىك جانە ادام ءومىرىن قورعاۋ. ادال جۇمىس بەرۋشىلەرگە الاڭداۋدىڭ قاجەتى جوق. بۇل نورمالار تەك قاۋىپسىزدىكتى ەلەمەيتىندەرگە قاتىستى. ەڭبەك قاۋىپسىزدىگى ەرەجەلەرىن بۇزۋ ەندى جازاسىز قالمايدى. قىزمەتكەرلەر قاۋىپسىز ەڭبەك جاعدايىنا لايىق. ال مۇنى تۇسىنبەيتىندەر زاڭ الدىندا جاۋاپ بەرەدى، - دەدى اسحات ايماعامبەتوۆ.

وسىعان دەيىن ەلىمىزدە جىل باسىنان بەرى 59 جۇمىسشى مەرت بولعانى تۋرالى جازدىق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى