ءبىر جىلدا ءدارى-دارمەكتىڭ باعاسى 13 پايىزعا ءوستى
دەنساۋلىق ساقتاۋ مينيسترلىگى ەلىمىزدەگى دارىلىك زاتتاردىڭ قىمباتتاۋىنا قاتىستى تۇسىنىك بەردى، دەپ حابارلايدى Kazinform.
«2023-جىلى دارىلىك زاتتاردىڭ باعاسى 2022-جىلمەن سالىستىرعاندا ورتا ەسەپپەن 13,6 پايىزعا وسكەنىن كورسەتتى، ءبىراق بەلگىلەنگەن شەكتى باعادان اسپايدى. جالپى، بۇل كورسەتكىش ماۋسىمدىق باعانىڭ وسۋىنە بايلانىستى ءدارى-دارمەكتىڭ ساۋدا اتاۋلارىنىڭ از مولشەرىنەن تۇرادى. نەگىزىنەن، انتيپيرەتيكالىق، ۆيرۋسقا قارسى، انتيبيوتيكتەر مەن انتيكواگۋليانتتار باعاسىنىڭ ءوسۋى بايقالدى»، - دەلىنگەن دەنساۋلىق ساقتاۋ مينيسترلىگىنىڭ Kazinform اگەنتتىگىنە بەرگەن جاۋابىندا.
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسىنىڭ 245-بابى 2-تارماعىنا سايكەس ۋاكىلەتتى ورگان جارتىجىلدىقتا ءبىر رەت مونوپولياعا قارسى ورگانمەن كەلىسۋ بويىنشا باعالىق رەتتەۋگە جاتاتىن، بولشەك جانە كوتەرمە ساۋدادا وتكىزۋگە ارنالعان دارىلىك زاتتىڭ ساۋدالىق اتاۋىنا شەكتى باعالاردى بەكىتەدى. قازىرگى كەزدە دەنساۋلىق ساقتاۋ ءمينيسترىنىڭ 2023-جىلعى 3- شىلدەدەگى بۇيرىعىمەن بولشەك جانە كوتەرمە ساۋدادا وتكىزۋ ءۇشىن دارىلىك زاتتاردىڭ 6890 ساۋدالىق اتاۋىنا شەكتى باعالار بەكىتىلدى.
«ءدارىحانالاردا ءدارى-دارمەك بەكىتىلگەن شەكتى باعادان تومەن باعادا ساتىلۋى مۇمكىن ەكەنىن ايتا كەتكەن ءجون. ءبىراق قازاقستان رەسپۋبليكاسىنىڭ «حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكسىنىڭ 245-بابىنىڭ 7-تارماعىنا سايكەس، باعالىق رەتتەۋگە جاتاتىن تىزبەگە ەنگەن دارىلىك زاتتاردى شەكتى باعاسىنان جوعارى كوتەرمە جانە بولشەك ساۋدادا وتكىزۋگە جول بەرىلمەيدى. ق ر اكىمشىلىك قۇقىق بۇزۋشىلىق تۋرالى كودەكسىنىڭ 426-بابىنا سايكەس، ءدارى-دارمەكتى بەكىتىلگەن شەكتى باعادان اسىرا ساتقانى ءۇشىن جاۋاپكەرشىلىك كوزدەلگەن. سونىمەن قاتار، شەكتى باعادان اسىرا ساتۋ فاكتىسى انىقتالعان جاعدايدا، مەديتسينالىق جانە فارماتسيەۆتيكالىق باقىلاۋ كوميتەتىنىڭ اۋماقتىق دەپارتامەنتتەرىنە دالەلدى قۇجاتتارمەن (ءدارى-دارمەك جانە ساتۋ تۇبىرتەگىمەن) نەمەسە DARIKZ موبيلدى قوسىمشاسى ارقىلى ءوتىنىش قالدىرۋعا بولادى»، - دەپ اتالىپ وتكەن حابارلامادا.
اتاپ ايتقاندا، 2022-2023-جىلدارى پرەپاراتتاردىڭ باعاسىن باقىلاۋ اياسىندا دارىلىك زاتتار مەن مەديتسينالىق بۇيىمداردىڭ شەكتى باعاسىنان اسىپ كەتۋدىڭ 16 فاكتىسى انىقتالدى، 2,1 ميلليون تەڭگەدەن استام ايىپپۇل سالىندى.
