ءبىر اپتادا قاتتى سۋىقتان 83 ادام قازا تاپتى
استانا. KAZINFORM - سينوپتيكتەر الداعى كۇندەرى ا ق ش- تىڭ ۇشتەن ەكى بولىگىندە تەمپەراتۋرا ايتارلىقتاي تومەندەپ، قار ارالاس نوسەر جاۋاتىنىن بولجادى.
CBS News سوڭعى اپتادا ا ق ش- تا اۋا رايىنا بايلانىستى 83 ادام ءولىمى تىركەلگەنىن حابارلادى Kazinform امەريكا داۋىسىنا سىلتەمە جاساپ.
ۇلتتىق اۋا رايى قىزمەتى (NWS) سەنبىدە سوڭعى كۇندەرى ا ق ش- تىڭ كوپ بولىگىن قامتىعان قىسقى داۋىل مەن اياز كەلەسى اپتانىڭ سوڭىنا دەيىن ساقتالۋى مۇمكىن دەپ مالىمدەدى.
تەننەسسيدە 19 ادام اۋا رايىنىڭ قولايسىزدىعىنان، ال ورەگون شتاتىندا 16 ادام قايتىس بولدى. CBS حابارلاۋىنشا، قالعان ادام ءولىمى باسقا سەگىز شتاتتا، سونىڭ ىشىندە يللينويس، پەنسيلۆانيا، ميسسيسيپي، ۆاشينگتون، كەنتۋككي، نيۋ-يورك جانە نيۋ-دجەرسيدە بولعان.
سوڭعى اپتادا تىنىق مۇحيتىنىڭ سولتۇستىك-باتىسى مەن ەلدىڭ وڭتۇستىك ايماعىنىڭ بولىكتەرى قاتتى قىسقى اۋا رايىنان زارداپ شەكتى. بۇل ايماقتاردا جىلۋعا رەكوردتىق كولەمدە تابيعي گاز بەن ەلەكتر قۋاتى پايدالانىلعان.
سەنبى كۇنى پارسى شىعاناعى بويىنداعى كەڭ اۋماقتا، تەحاس پەن لۋيزيانانىڭ شىعىسىنان ميسسيسيپيدىڭ، الابامانىڭ كوپ بولىگىنە جانە فلوريدا مەن دجوردجيانىڭ كەيبىر بولىكتەرىندە قاتتى اياز بولدى.
جەكسەنبى كۇنى كەشكە دەيىن ۇلى كولدەردىڭ وڭتۇستىگىندە جانە ورتالىق اپپالاچيا مەن سولتۇستىك-شىعىس اۋداندارىندا قار جاۋادى.
سونىمەن بىرگە تىنىق مۇحيتىنىڭ سولتۇستىك-باتىسىنىڭ كوپ بولىگىندە اياز بولىپ، جاڭبىر جاۋادى دەپ كۇتىلۋدە. سەررا-نيەۆادا تاۋلارىندا قار جاۋىپ، كاليفورنيانىڭ سولتۇستىگىندە تومەنگى بيىكتىكتە قاتتى جاڭبىر جاۋىپ، سۋ تاسقىنى بولۋى مۇمكىن. نوسەر وڭتۇستىك كاليفورنياعا دا جەتەدى بەگەن بولجام بار.
