ءبىلىم بەرۋ سالاسىندا قارجى جىمقىرۋ قالاي جۇزەگە اسقانى انىقتالدى

2023-جىلى ءبىلىم بەرۋ جۇيەسىندە سىبايلاس جەمقورلىق تاۋەكەلدەرىنە سىرتقى تالداۋ جۇرگىزىلگەن.

تالداۋ كورسەتكەندەي، بيۋجەت قاراجاتىن جىمقىرۋدىڭ كوپتەگەن فاكتىلەرى بيۋجەتتىك وتىنىمدەردى قالىپتاستىرۋ پروتسەستەرىن اۆتوماتتاندىرۋدىڭ، بۇزۋشىلىقتاردىڭ الدىن الۋ تەتىكتەرىنىڭ جانە بۋحگالتەرلىك ەسەپتىڭ اقپاراتتىق جۇيەلەرى مەن مەملەكەتتىك دەرەكقورلاردىڭ ينتەگراتسيالىق بايلانىستارىنىڭ بولماۋىنا بايلانىستى جۇزەگە اسقان («ۇلتتىق ءبىلىم بەرۋ دەرەكقورى»، «قازىناشىلىق-كليەنت»، «جەكە تۇلعالار»، «enbek.kz» جانە ت. ب.).

قازىرگى ۋاقىتتا مەملەكەتتىك ورگاندار بەكىتىلگەن جول كارتاسى شەڭبەرىندە جوعارىدا كورسەتىلگەن جەمقورلىق تاۋەكەلدەرىن جويۋ بويىنشا جۇمىس جۇرگىزۋدە.

اگەنتتىكتىڭ باستاماسىمەن 2023-جىلدىڭ 4-توقسانىندا پاۆلودار، اقمولا جانە تۇركىستان وبلىستارىندا قولدانىستاعى بۋحگالتەرلىك جۇيەلەر بازاسىندا سيفرلىق شەشىمدەردى ەنگىزۋ بويىنشا پيلوتتىق جوبا ىسكە اسىرىلدى.

بيۋجەتتىك وتىنىمدەردى قالىپتاستىرۋ پروتسەسىن تولىق اۆتوماتتاندىرۋ، كونتينگەنتتى ەسەپكە الۋ جانە قىزمەتكەرلەردىڭ كەلۋىن باقىلاۋ، اۆانستاردى نەگىزسىز تولەۋدى بۇعاتتاۋ تەتىكتەرى (ەڭبەك زاڭناماسىنا سايكەس) جانە قازىناشىلىق دەرەكتەرىن بۋحگالتەرلىك جۇيەلەرمەن سالىستىرۋ مۇمكىندىگى ءساتتى ءوتتى.

سونداي-اق، ۇيىم باسشىسىنىڭ بەت بيومەترياسى بويىنشا تولەم قۇجاتتارىنا قول قويۋ، سونداي-اق ولاردى شيفرلاۋ ماسەلەسى پىسىقتالدى.

قازىرگى ۋاقىتتا وسى سيفرلىق شەشىمدەردى ماسشتابتاۋ بويىنشا جۇمىستار جۇرگىزىلۋدە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى