عاسىر جاساعان ارداگەردىڭ ارمانى ورىندالدى

بۇل ءىس-شارا قارت مايدانگەردىڭ تۋعان جەرى كۇرشىم اۋدانىنا بارىپ، ەرتىس وزەنى ارقىلى سالىنعان جاڭا كوپىردى كورۋ ارمانىنىڭ ورىندالۋىنا ارنالدى. قۇرمەتتى ارداگەردى كۇرشىم اۋدانى اكىمدىگى، اۋداندىق پوليتسيا ءبولىمىنىڭ قىزمەتكەرلەرى جانە جەرگىلىكتى تۇرعىندار سالتاناتتى تۇردە، ءان شاشۋمەن قارسى الدى. ارداگەردىڭ جۇزىندەگى قۋانىش ونىڭ ارمانىنىڭ ورىندالعانىنىڭ دالەلى ەدى.

- مەن ءاردايىم تۋعان ولكەمنىڭ وزگەرىستەرىن ءوز كوزىممەن كورۋدى قالادىم. بۇل كوپىر - حالىقتىڭ كۇتكەن ءۇمىتى مەن پروگرەستىڭ كورىنىسى. وسى تاريحي ءساتتىڭ كۋاسى بولعانىما ريزامىن، - دەپ ءبولىستى قۇرمات راحيم ۇلى.

ارداگەر ءۇشىن ساپاردىڭ تاعى ءبىر ماڭىزدى ءساتى - ءوزىنىڭ ەسىمى بەرىلگەن «جاس ساقشى» كادەت سىنىبىنا بارۋ بولدى. وندا قۇرمات اتا وقۋشىلارعا باتاسىن بەرىپ، ەلگە ادال قىزمەت ەتۋدىڭ ماڭىزدىلىعىن اتاپ ءوتتى.

- سىزدەر - ەل بولاشاعىسىزدار. ءاردايىم وتانعا ادال، ابىرويلى ازامات بولىڭىزدار، - دەدى قۇرمات اقساقال.

سونىمەن قاتار ارداگەر وقۋشىلارعا ءوزىنىڭ اتى جازىلعان ارنايى «قۇرمات راحيموۆ - جاس ساقشى» توسبەلگىسىن تابىستاپ، جاڭا جىل قارساڭىندا بالالارعا ەستەلىك سىيلىقتار مەن توسىنسىي جاسادى.

- قۇرمات راحيم ۇلىنىڭ تىلەگىن ورىنداۋ - ءبىز ءۇشىن ۇلكەن ابىروي. بۇل ءىس-شارا تەك ارداگەرگە قۇرمەت قانا ەمەس، سونىمەن بىرگە ۇرپاقتار ساباقتاستىعىنىڭ ايقىن كورىنىسى. اتالارىمىزدىڭ مۇراسىن ۇلىقتاۋ - ءبىزدىڭ بورىشىمىز، - دەپ اتاپ ءوتتى ش ق و پوليتسيا دەپارتامەنتى باستىعىنىڭ ورىنباسارى سەرىك ماناپوۆ.

جاڭا كوپىر - شىعىس قازاقستان وبلىسىنىڭ دامۋىن كورسەتەتىن سيمۆول عانا ەمەس، ارداگەرلەرگە دەگەن قۇرمەتتىڭ جارقىن ۇلگىسى بولدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى