ءاربىر قازاقستاندىققا 150 مىڭ تەڭگەدەن باستاپ وتەماقى تولەنەتىنى راس پا؟
الەۋمەتتىك جەلىلەردە «تولەمدەر تۋرالى جاڭا قاۋلى» تۋرالى ايتىلعان ۆيدەو جاريالاندى، وعان سايكەس قازاقستاننىڭ ءاربىر تۇرعىنىنا 150 مىڭ تەڭگەدەن باستاپ وتەماقى بەرىلەدى.
الايدا بۇل - جالعان اقپارات، - دەپ حابارلايدى stopfake.kz.
ۆيدەودا قولدانۋشىلارعا «تولەنبەگەن اقشا قاراجاتىن قايتارۋدىڭ رەسمي وتەماقى ورتالىعى» - ت ا ق ق ر ءو و سايتىنا اپاراتىن سىلتەمە بويىنشا ءوتۋ ۇسىنىلادى. وندا ساتىپ الۋ كەزىندە بانك كارتاسىن قولدانعاندارعا سالىق قايتارىلاتىنى ايتىلادى. ول ءۇشىن نۇسقاۋلىققا سايكەس ساۋالنامانى تولتىرىپ، دەرەكتەردى جانە وتەماقى الۋ ءتيىستى كارتا دەرەكتەرىن كورسەتۋ كەرەك.
الايدا ولاي ىستەۋگە بولمايدى. ت ا ق ق ر ءو و - بۇل بۇرىننان بەلگىلى الاياقتاردىڭ سحەماسى، ونىڭ كومەگىمەن قىلمىسكەرلەر اقشاڭىزدى يەمدەنۋى مۇمكىن.
مۇنداي تولەم جاساۋ جارناماسى بۇرعان دەيىن رەسەي مەن بەلارۋسسيادا تارالعان بولاتىن. قازاقستاندا مۇنداي ۆيدەولار 2020-جىلى بولعان. ولاردى ق ر ق م مەملەكەتتىك كىرىستەر كوميتەتى رەسمي تۇردە تەرىسكە شىعاردى.
دەمەك، ءاربىر قازاقستاندىققا وتەماقى تولەنەتىنى تۋرالى تارالعان اقپاراتقا سەنبەگەن ءجون. «تولەمدەر تۋرالى قاۋلى» تۋرالى اقپارات ق ر مەملەكەتتىك ورگاندارىنىڭ رەسمي سايتتارىندا دا، ب ا ق- تا دا جوق.
