ءار ءتورتىنشى ادام جاڭا جىل قارساڭىندا شەكتەن تىس شىعىنعا ۇشىرايدى - زەرتتەۋ

رەسپوندەنتتەردىڭ %56 ى جاڭا جىلدا اقشا جۇمساۋدا قىسىم سەزىنەتىنىن ايتقان. بۇل قىسىمنىڭ نەگىزگى كوزدەرى وتباسى (%71)، دوستار (%28)، سونداي-اق الەۋمەتتىك جەلىلەر مەن پوپ- مادەنيەت (%19) ەكەنى انىقتالدى.

زەرتتەۋ كورسەتكەندەي، رەسپوندەنتتەردىڭ %76 ى «اقشا جاراقاتى» دەپ اتالاتىن قارجىلىق قيىندىقتاردان تۋىنداعان ەموتسيونالدىق كۇيزەلىستى باستان وتكەرەدى. ەڭ ءجيى كەزدەسەتىن اقشا جاراقاتتارىنا مىنالار كىرەدى: قارجىلىق جاعدايعا بايلانىستى ءوزىن- ءوزى تومەن باعالاۋ (%26)، شەكتەن تىس شىعىندانۋ (%21)، اقشا جۇمساعانى ءۇشىن ۇيالۋ (%21) جانە تاپشىلىق پسيحولوگياسى (%20).

مەرەكە ماۋسىمىندا قارجىلىق ماسەلەلەردىڭ ىشىندەگى ەڭ باستىسى - شەكتەن تىس شىعىندانۋ (%25).

بۇل زەرتتەۋدى Beyond Finance قارىزدى شوعىرلاندىرۋ كومپانياسىنىڭ تاپسىرىسىمەن Talker Research جۇرگىزگەن. زەرتتەۋ «اقشا جاراقاتىنىڭ» قايدان تۋىندايتىنىن جانە قانداي تاجىريبەلەر ناشار قارجىلىق ادەتتەر مەن وي-ساناعا اكەلەتىنىن انىقتاۋعا باعىتتالعان.

رەسپوندەنتتەردىڭ ايتۋىنشا، «اقشا جاراقاتىنىڭ» ەڭ ءجيى كەزدەسەتىن سەبەپتەرى: قارجىلىق قاتەلىكتەر (%40)، جاستىق شاقتاعى اقشانىڭ جەتىسپەۋشىلىگى (%34) جانە سوزىلمالى قارىز (%25).

سونىمەن قاتار، اقشا جاراقاتىن باستان وتكەرگەندەردىڭ كوپشىلىگى (%68) بۇل جاعداي ولاردىڭ ءوزىن تابىستى جانە تولىققاندى سەزىنۋىنە كەدەرگى كەلتىرەتىنىن مويىنداعان.

اقشا ماسەلەلەرى مەرەكە قۋانىشىن سەيىلتىپ، قارجىلىق سترەستىڭ نەگىزگى كوزىنە اينالاتىنىن زەرتتەۋ تاعى ءبىر رەت دالەلدەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى