عالىمدار تابىتتىڭ ىشىنەن 400 جىل بۇرىن جازىلعان حاتتاردى تاپتى
استانا. قازاقپارات - وڭتۇستىك كورەيا رەسپۋبليكاسىنىڭ ارحەولوگتارى اندوڭ قالاسىندا وسىدان 400 جىل بۇرىن قايتىس بولعان ينتاي ەسىمدى ەر ادامنىڭ ءمايىتىن انىقتادى.
سونىمەن قاتار عالىمدار 1568-جىلدىڭ 1-مامىرمەن بەلگىلەنگەن ونىڭ جەسىر قالعان ايەلىنىڭ ساعىنىشى باياندالعان ونعا تارتا حاتىن دا تاپتى.
حاتتا بىلاي دەپ جازىلعان: «سەنىڭ ءاردايىم بىرگە قارتايىپ قارت كەمپىر-شال بولايىق، سوسىن ءبىر كۇندە بىرگە بۇل دۇنيەگە قوش ايتايىق دەگەن ءسوزىڭ ءالى ەسىمدە. قالايشا مەنى تاستاپ، جالعىز و دۇنيەگە اتتانىپ باراسىڭ؟
سەنسىز مۇندا ءومىر سۇرگىم كەلمەيدى، جالىنام، مەنى وزىڭمەن بىرگە الا كەتشى! ساعان دەگەن سەزىمىمدى ۇمىتا المايمىن، قازىرگى كوڭىل-كۇيىمدى تەك ءوزىم عانا تۇسىنە الامىن. ەندى سەنسىز مىنا جارىق دۇنيەدە ماعان ورىن جوق....».
ارحەولوگتاردىڭ ايتۋىنشا، بۇل ءمايىتتىڭ ۇزىندىعى 1،75 مەتر جانە سول زامانداعى ەركەكتەرگە قاراعاندا الدەقايدا بويشاڭ بولعان.
ايتا كەتەرلىگى، حاتتا بەلگىلەگەن ۋاقىت اتاقتى اعىلشىن جازۋشىسى شەكسپيردىڭ (رومەو مەن دجۋلەتتا) شىعارمالارى جارىققا شىققان مەرزىمگە ساي كەلىپ وتىر.
