عالىمدار شارشاعاندى باساتىن ءتۇستى انىقتادى
استانا. قازاقپارات - عالىمداردىڭ ايتۋىنا قاراعاندا، كوگىلدىر ءتۇس شارشاعاندى باسىپ، قىراعىلىق پەن جۇمىس بارىسىندا ونىمدىلىكتى ارتتىرادى.
بۇرىن مۇنداي ناتيجەگە ادامداردى تۇندە زەرتتەۋ كەزىندە قول جەتكىزگەن ماماندار، ەندى بۇل اسەر كۇندىز دە ساقتالاتىنىن دالەلدەپ وتىر، دەپ حابارلايدى meddaily.ru.
جاداۋلىقپەن كۇرەستە قانداي تولقىننىڭ ۇزىندىعى تيىمدى ەكەنىن ءتۇسىنۋ ءۇشىن زەرتتەۋشىلەر توماس دجەففەرسون ۋنيۆەرسيتەتىنىڭ عالىمى دجوردج بريناردتىڭ كومەگىنە جۇگىنگەن. ول ارنايى قۇرال جاساپ شىعارىپ، سونىڭ كومەگىمەن 16 ەرىكتىنىڭ مىسالىندا كوك ءتۇس پەن جاسىل ءتۇستىڭ اسەرلەرىن سالىستىرىپ زەرتتەگەن. ەرىكتىلەردى ءبىر تاۋلىكتىڭ ىشىندە 6،5 ساعات بويى كۇننىڭ ساۋلەسىمەن ەمدەگەن.
زەرتتەۋگە قاتىسقان ەرىكتىلەر اتالعان ەمدەۋدەن كەيىن ۇيقىشىلدىقتى سەزىنگەن ايتقان. بۇعان قوسا، ولاردىڭ ارەكەت ەتۋ جىلدامدىقتارىن دا تەكسەرگەن. باستارىنا ەلەكترود كيگىزىپ، مي بەلسەندىلىگىنىڭ وزگەرۋىن باقىلاعان. سول كەزدە كوك تۇسپەن ەمدەۋ ۇيقىشىلدىق پەن ارەكەت ەتۋ جىلدامدىعىن ازايتقانىن ايقىنداعان. بۇل رەتتە، ميدىڭ بەلسەندىلىگى دە ادامنىڭ جۇمىسقا دايىندىعى مەن قىراعىلى ارتقانىن دالەلدەپ بەرگەن.
