عالىمدار 10 جىل باس قاتىرعان دۇنيەنى جاساندى ينتەللەكت ەكى كۇندە شەشىپ بەردى
استانا. قازاقپارات - Google-دىڭ جاڭا جاساندى ينتەللەكتى عالىمداردىڭ زەرتتەۋىن قىسقا مەرزىمدە ءتۇسىندىرىپ بەردى. زەرتتەۋ ناتيجەلەرى bioRxiv پرەپرينتتەر سەرۆەرىندە جاريالاندى، دەپ حابارلايدى Baq. kz ءتىلشىسى.
عالىمدار 10 جىل بويى ءبىر سۋپەرباكتەريانىڭ قالايشا باسقا باكتەريالاردى جۇقتىرۋ قابىلەتىنە يە بولاتىنىن زەرتتەدى. ال Google-دىڭ جاڭا جاساندى ينتەللەكتى وسى ماسەلەنى نەبارى ەكى كۇندە شەشىپ بەردى.
زەرتتەۋ باكتەريالاردىڭ انتيبيوتيكتەرگە توزىمدىلىگىنە قاتىستى بولدى. عالىمدار باكتەريالاردى زاقىمدايتىن ۆيرۋستاردىڭ باسقا ۆيرۋستاردىڭ بولىكتەرىن (قۇيرىقتارىن) پايدالانىپ، وزدەرىنىڭ گەنومدارىن جاسۋشاعا ەنگىزە الاتىنىن انىقتادى.
جاريالانۋعا دايىن بولعان زەرتتەۋدى عالىمدار سوڭعى رەت جاساندى ينتەللەكتكە تەكسەرتىپ كورمەك بولدى. ءبىراق ج ي ەكى كۇننىڭ ىشىندە ولاردىڭ ون جىلدىق زەرتتەۋىنە تەڭ ناتيجە جاساپ شىقتى.
العاشىندا عالىمدار ج ي ولاردىڭ ەڭبەكتەرىنە قول جەتكىزدى مە دەپ كۇدىكتەندى، ءبىراق ول بارلىق اقپاراتتى وزدىگىنەن تالداپ، قاجەتتى قورىتىندى شىعارعان ەكەن. زەرتتەۋشىلەر ج ي-دىڭ جىلدامدىعىنا تاڭعالىپ وتىر.
