ءاليحان سمايىلوۆ ازاماتتىق اۆياتسيا ماماندارىن دايارلاۋ ءۇشىن قوسىمشا گرانتتار ءبولۋدى تاپسىردى
ازاماتتىق اۆياتسيا ماماندارى شەتەلدە بىلىكتىلىكتەرىن ارتتىراتىن بولادى. بۇل تۋرالى ۇكىمەت وتىرىسىندا پرەمەر-مينيستر ءاليحان سمايىلوۆ ايتتى، دەپ حابارلايدى Kazinform.
«ونەركاسىپ جانە قارجى مينيسترلىكتەرى اۋەجايلار اۋماعىندا مۋلتيمودالدى كولىكتى پايدالانۋ مۇمكىندىگىن بەرۋ ماسەلەسىن پىسىقتاۋى قاجەت. سونداي-اق، ترانزيتتىك جۇكتەردى راسىمدەۋدى جەڭىلدەتىپ، ءتيىستى تەحنولوگيالىق پروتسەستەردى وڭتايلاندىرۋ كەرەك. كولىك جانە ەنەرگەتيكا مينيسترلىكتەرى، «سامۇرىق-قازىنا» قورى مەن «قازمۇنايگاز» كومپانياسى قاجەتتى اۆياوتىن كولەمىمەن قامتاماسىز ەتۋ شارالارىن قابىلداۋى ءتيىس. سونىمەن قاتار، ونى ساقتاۋعا ارنالعان ءتيىستى ينفراقۇرىلىمدى قۇرۋ كەرەك»، - دەدى ءاليحان سمايىلوۆ.
ۇكىمەت باسشىسى عىلىم جانە جوعارى ءبىلىم، كولىك مينيسترلىكتەرى ازاماتتىق اۆياتسيا سالاسىندا ماماندار دايارلاۋ ءۇشىن قوسىمشا گرانتتار ءبولۋدى قامتاماسىز ەتۋى كەرەكتىگىن ايتتى.
«الداعى ۋاقىتتا قاجەتتى كادرلاردىڭ بولجامىن جاساپ، شەتەلدە بىلىكتىلىكتى ارتتىرۋ ماسەلەلەرىن پىسىقتاۋى قاجەت» - دەدى پرەمەر-مينيستر.
