ءاليحان سمايىلوۆ اۋرۋحاناعا بارىپ، زارداپ شەككەن كەنشىلەردىڭ كوڭىلىن سۇرادى
ق ر پرەمەر-ءمينيسترى ءاليحان سمايىلوۆ اۋرۋحاناعا بارىپ، «ارسەلورميتتال تەمىرتاۋ» ا ق- نىڭ كوستەنكو اتىنداعى شاحتاسىندا بولعان ءورت سالدارىنان زارداپ شەككەن كەنشىلەردىڭ كوڭىلىن سۇرادى، دەپ حابارلايدى ق ر ۇكىمەتىنىڭ باسپا ءسوز قىزمەتى.
قازىرگى ۋاقىتتا پروفەسسور ح. ج. ماقاجانوۆ اتىنداعى كوپسالالى اۋرۋحانادا زارداپ شەككەن 20 كەنشى قاجەتتى ەم الۋدا.
پاتسيەنتتەر ءارتۇرلى اپپاراتتاردى، سونىڭ ىشىندە ك ت جانە ۋ د ز قولدانۋ، سونداي-اق ءتۇرلى سالا ماماندارىن تارتۋ ارقىلى تولىق تەكسەرىلدى.
ولاردىڭ كوبى گازدان ۋلانعان، الايدا بارلىعىنىڭ جاعدايى - تۇراقتى، ومىرلەرىنە قاۋىپ ءتونىپ تۇرعان جوق.
پرەمەر-مينيستر زارداپ شەككەندەرگە بارلىق قاجەتتى مەديتسينالىق كومەك كورسەتىلۋى ءتيىس ەكەنىن اتاپ ءوتتى.
«بارلىعىڭىزعا تەزىرەك ساۋىعىپ، وتباسىلارىڭىزعا امان-ەسەن ورالۋلارىڭىزدى تىلەيمىن»، - دەدى ءاليحان سمايىلوۆ.
كەنشىلەردىڭ ءبىرى قازا تاپقان ارىپتەستەرىنىڭ وتباسىلارىنا قانداي كومەك كورسەتىلەتىنى تۋرالى سۇرادى.
«بۇل - شىنىمەن دە وتە اۋىر قاسىرەت. قايعىلارىڭىزعا ورتاقتاسىپ، كوڭىل ايتامىز. بۇگىن مەملەكەت باسشىسى قازا تاپقانداردىڭ وتباسىلارىنا قاجەتتى قاراجات ءبولۋ تۋرالى تاپسىرما بەردى. تولىعىمەن قولداۋ كورسەتەمىز: باسپانا، نەسيەلەردى وتەۋ، بالالاردى وقىتۋ، ءبىرجولعى تولەمدەر - مۇنىڭ بارلىعىمەن قامتاماسىز ەتەمىز»، - دەدى پرەمەر- مينيستر.
