شەتەلدەگى قازاقستاندىقتار call-ورتالىقپەن ونلاين بايلانىسا الادى

بۇل تۋرالى «ۇلتتىق اقپاراتتىق تەحنولوگيالار» ا ق باسپا ءسوز قىزمەتىنەن ءمالىم ەتتى، دەپ حابارلايدى قازاقپارات.

1414 تەگىن قوڭىراۋ شالۋ ءۇشىن پايدالانۋشى egov.kz پورتالىنا كىرىپ، تومەنگى وڭ جاق بۇرىشتاعى «ۆيرتۋالدى كەڭەسشى» ۆيدجەتىن باسۋ قاجەت.

قالقىمالى تەرەزەدە قۇلاققاپ تۇرىندەگى بەلگىگە باسىپ، قوڭىراۋ شالۋ كەرەك. ۆيرتۋالدى كەڭەسشى ارقىلى وپەراتورمەن بايلانىس جاساۋ ءۇشىن ميكروفون جانە قۇلاققاپتىڭ بولۋى مىندەتتى.

«بىزگە باسقا ەلدەردە جۇرگەن ازاماتتاردان وتىنىشتەر ءجيى كەلىپ تۇسكەن ەدى. وسىعان وراي 1414 call-ورتالىعىنىڭ وپەراتورلارىمەن ينتەرنەت ارقىلى قوسىلۋ مۇمكىندىگىن قاراستىرىپ، بۇگىن ىسكە قوستىق.

ينتەرنەتى بار ادام 1414 كەڭەسشىسىمەن حابارلاسىپ، بار سۇراققا جاۋاپ الا الادى. سونداي-اق، كەڭەسشىمەن اڭگىمەسۋ بارىسىندا كولەمى 20 مەگابايتتان اسپايتىن كەز كەلگەن فورماتتاعى فايلداردى تىركەۋ جانە جىبەرۋ مۇمكىندىگىن قاراستىردىق»، - دەدى «ۇ ا ت» ا ق باسقارما ءتوراعاسى اسەت تۇرىسوۆ.

1414 بايلانىس ورتالىعى جۇمىس كۇندەرى ساعات 9:00 دەن 21:00 گە دەيىن جانە سەنبى، جەكسەنبى كۇندەرى 9:00 دەن 14:00 گە دەيىن جۇمىس ىستەيدى. توتەنشە جاعداي كەزىندە بايلانىس ورتالىعىنىڭ جۇمىسىنا ح ق ك و- نىڭ 2000 نان استام قىزمەتكەرى جۇمىلدىرىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى