الماتىنىڭ Call-ورتالىعىنا ءبىر تاۋلىكتە 4 مىڭ ادام حابارلاسقان

«ءبىر تاۋلىكتە 4 مىڭنان استام ادام كوپ ارنالى نومىرگە قوڭىراۋ شالدى. ولاردىڭ كوپشىلىگىن الماتى قالاسىنان كارانتيندىك ايماقتىڭ پەريمەترى بويىنشا وتكىزۋ پۋنكتتەرىنەن كىرىپ- شىعۋ ماسەلەسى الاڭداتتى. كەيبىر قوڭىراۋ شالۋشىلارعا كەڭەس پەن قولداۋ قاجەت بولدى. ارينە، پوليتسيانىڭ قىزمەتىنە قاتىسى جوق ماسەلەلەر دە بولدى. مۇمكىندىگىنشە پوليتسيا قىزمەتكەرلەرى ولارعا دا ساۋاتتى جاۋاپ بەرۋگە تىرىستى. الدىن الا تالداۋ ناتيجەلەرى بويىنشا، العاشقى 2-3 كۇندە سەنىم تەلەفونىنا كوپتەگەن قوڭىراۋلار تۇسەدى. ازاماتتاردى قىزىقتىراتىن سۇراقتارعا جەدەل جاۋاپ بەرۋ وتە ماڭىزدى»، - دەدى پوليتسيا دەپارتامەنتىنىڭ رەسمي وكىلى سالتانات ازىربەك.

سونىمەن بىرگە، پوليتسيا Call-ورتالىققا پسيحولوگتار مەن پوليتسيانىڭ ساپتىق ەمەس بولىمشەلەرىنىڭ قىزمەتكەرلەرىن جۇمىلدىرعان.

ەسكە سالايىق، 19 -ناۋرىز ساعات 00.00-دەن باستاپ الماتى مەن نۇر- سۇلتان قالالارىندا كارانتين رەجيمى ەنگىزىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى