عالام عاجاپتارى: ەرەكشە ەرەجە
سۋمو - جاپونداردىڭ ۇلتتىق كۇرەسى. اتالعان سپورت ءتۇرىنىڭ بىرنەشە قاتاڭ قاعيداسى بار.
قانداي سالماق دارەجەسىندە بولسا دا، كۇنشىعىس ەلىندە سۋمو بالۋاندارىنا كولىك ايداۋعا تىيىم سالىنعان. ەگەر سپورتشى بۇل تالاپقا باعىنباسا، قاتاڭ جازالانادى. سوندىقتان دا سۋموشىلار كوبىنە جەكە جۇرگىزۋشىلەرىمەن جۇرەدى نەمەسە ارنايى شاعىن اۆتوبۋس جالدايدى.
جىل ادامى
«Time» جۋرنالىنىڭ نۇسقاسى بويىنشا «جىل ادامى» اتاعى ا ق ش- تىڭ جاڭادان سايلانعان پرەزيدەنتى دونالد ترامپقا بۇيىردى. شورت- پاراققا ودان باسقا يلون ماسك، كەيت ميددلتون، يۋليا ناۆالنايا كىرگەن ەدى.
«Time رەداكتورلارى 97 جىل بويى «جىل ادامىن» تاڭداپ كەلەدى. بۇل اتاققا سوڭعى 12 ايدا الەمگە ىقپال ەتە بىلگەن، تاقىرىبىمەن كوپتىڭ نازارىن اۋدارا بىلگەن جاندار عانا لايىق. 2024 -جىلى تاڭداۋ ەش قيىنعا تۇسكەن جوق»، دەدى جۋرنالدىڭ باس رەداكتورى سەم دجەيكوبس.
ەڭ ۇلكەن اۋەجاي
قىتايدىڭ داليان قالاسىندا الەمدەگى ەڭ ءىرى حالىقارالىق اۋەجايدىڭ قۇرىلىسى باستالدى.
تاڭعالارلىعى، اۋە ايلاعى جاساندى ارالدا سالىنباق جانە جىلىنا 80 ميلليوننان اسا جولاۋشىنى قابىلدايدى. عيمارات 2035 -جىلى قولدانىسقا بەرىلەدى.
بەكزات قۇلشار
egemen.kz
