ءال-فارابي داڭعىلىن كوگالداندىرۋ جۇمىستارى نەگە تۇندە جۇرگىزىلمەيدى - اكىمدىك جاۋابى

بوستاندىق اۋدانىندا ءال-فارابي داڭعىلىنىڭ بويىنداعى اۋماقتى اباتتاندىرۋ جالعاسىپ جاتىر.

جوبا - داڭعىلدىڭ ەكى جاعىنا - وڭتۇستىك پەن سولتۇستىككە سۋارۋ جۇيەسىن سالۋ، سونداي-اق ورتالىق ءبولۋ جولاعىن اباتتاندىرۋدى قامتيدى.

كولىك جۇكتەمەسىن ازايتۋ ءۇشىن جۇمىستار كەلەسى كەستە بويىنشا ۇيىمداستىرىلعان:

- 08:00 - دەن 12:00-گە دەيىن - ءال- فارابي داڭعىلىنىڭ سولتۇستىك جاعىندا؛
- 13:00 - دەن 17:00-گە دەيىن - وڭتۇستىك جاعىندا.

- جۇمىسشىلاردىڭ قاۋىپسىزدىگىن قامتاماسىز ەتۋ ماقساتىندا تۇنگى ۋاقىتتا جۇمىستار جۇرگىزىلمەيدى. ولاردىڭ باستى ماقساتى - قالانىڭ نەگىزگى ماگيسترالدارىنىڭ ءبىرىن بارلىعىنا ىڭعايلى، ادەمى جانە جايلى ەتۋ، - دەلىنگەن اكىمدىك حابارلاماسىندا.

بارلىق جۇمىستىڭ بولجامدى اياقتالۋى وسى جىلدىڭ ماۋسىم ايىنا جوسپارلانعان.
اكىمدىكتەن اتاپ وتكەندەي، ناۋرىز ايىندا ءبولۋ جولاعىنىڭ بويىنا 300 گە جۋىق اعاش وتىرعىزىلدى.

- گازعا، تەمپەراتۋرانىڭ وزگەرۋىنە ءتوزىمدى جانە اۋانى ءتيىمدى تازارتۋعا قابىلەتتى 292 ءىرى قاراعاش پەن كۇل قازىر قالالىق ماگيسترالدى بەزەندىرۋدە، - دەلىنگەن حابارلامادا.

ەسكە سالايىق، 8 -ساۋىردەن 9 -ساۋىرگە قاراعان ءتۇنى ساعات 1:30 شاماسىندا الاتاۋ اۋدانىندا موتوسيكل جۇرگىزۋشىسى رىسقۇلوۆ داڭعىلىندا جول جۇمىستارىن جۇرگىزىپ جاتقان 3 جۇمىسشىنى ( ەكى ەر، ءبىر ايەل ادام) قاعىپ كەتكەن بولاتىن.

سالدارىنان ەكى ەر ادام وقيعا ورنىندا كوز جۇمدى. ال ايەل اۋىر حالدە قالالىق اۋرۋحانالاردىڭ بىرىنە جەتكىزىلدى.

اۆتور

الما مۇقانوۆا

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى