بيىلدان باستاپ وڭىرلەردەگى عىلىمدى باسقارۋ جۇيەسى كۇشەيتىلدى - ساياسات نۇربەك

- بۇگىن - قازاقستاننىڭ عىلىم قىزمەتكەرلەرى كۇنى! بۇل كۇننىڭ 12-ساۋىرگە بەلگىلەنۋى تەگىن ەمەس. ءدال وسى كۇنى ەلىمىزدىڭ عىلىمىن الەمدىك دەڭگەيگە كوتەرگەن، كورنەكتى عالىم، اكادەميك قانىش يمانتاي ۇلى ساتبايەۆ دۇنيەگە كەلگەن ەدى. ول ۇلتتىق عىلىمدى جۇيەلى جولعا قويىپ، ىرگەلى زەرتتەۋلەردىڭ نەگىزىن قالادى. عىلىم - ەل دامۋىنىڭ التىن دىڭگەگى. سوندىقتان بۇل سالانى دامىتۋ - مەملەكەتتىڭ باسىم باعىتتارىنىڭ ءبىرى. پرەزيدەنت قاسىم-جومارت توقايەۆ 2022-جىلى عىلىم اكادەمياسىنىڭ سەسسياسىندا عىلىمنىڭ ەكونوميكالىق وسىمگە اسەرىن كۇشەيتۋ، ونى ءوندىرىس پەن تەحنولوگيامەن ۇشتاستىرۋ جونىندە ناقتى تاپسىرمالار بەردى، - دەگەن جازبا قالدىردى ساياسات نۇربەك جەلىدەگى پاراقشاسىندا.

ءمينيستردىڭ ايتۋىنشا، بۇگىندە «عىلىم جانە تەحنولوگيالىق ساياسات تۋرالى» جاڭا زاڭنىڭ نەگىزىن قالاپ، 2023-2029-جىلدارعا ارنالعان جوعارى ءبىلىم مەن عىلىمدى دامىتۋ تۇجىرىمداماسى اياسىندا جۇزەگە اسىرىلىپ، عىلىم سالاسىندا اۋقىمدى وزگەرىستەر بولىپ جاتىر.

بيىلدان باستاپ وڭىرلىك عىلىمدى دامىتۋعا ەرەكشە ءمان بەرىلەدى. جەرگىلىكتى اتقارۋشى ورگاندار عىلىمي-تەحنولوگيالىق ساياساتقا تىكەلەي قاتىسا باستايدى.

- مەملەكەت جاس عالىمدارعا جان-جاقتى قولداۋ كورسەتىپ وتىر. ولار ءۇشىن گرانتتىق قارجىلاندىرۋ، شەتەلدىك تاعىلىمدامالار، مەگا-گرانتتار، عىلىمي دارەجە ءۇشىن قوسىمشا تولەمدەر، ءتىپتى تۇرعىن ۇيمەن قامتاماسىز ەتۋ سياقتى الەۋمەتتىك قولداۋ تەتىكتەرى ىسكە قوسىلدى. سوڭعى 2 جىلدا جاس عالىمدارعا 423 پاتەر بەرىلدى. جىل سايىن 50 «ۇزدىك عىلىمي قىزمەتكەر» سىيلىعى تابىستالادى. دارىندى جاس زەرتتەۋشىلەرگە تاعى 50 ارنايى ستيپەنديا بولىنەدى. بۇگىنگى عىلىم - تەك زەرتتەۋ ەمەس، ول - ەكونوميكانىڭ قوزعاۋشى كۇشى. سوندىقتان ءبىز عىلىمي ازىرلەمەلەردى كوممەرتسيالاندىرۋعا ەرەكشە ءمان بەرىپ وتىرمىز. قازىرگى ۋاقىتتا 208 عىلىمي جوبا ىسكە اسىرىلىپ جاتىر. ونىڭ 25^- ء^і ەكسپورتقا شىقتى. ال 6 جوبا - 1 ميلليارد تەڭگەدەن استام ساتىلىمعا قول جەتكىزدى. جالپى العاندا، كوممەرتسيالانعان جوبالاردىڭ ەل ەكونوميكاسىنا قوسقان ۇلەسى - 118,4 ميلليارد تەڭگە. بيىلدان باستاپ وڭىرلەردەگى عىلىمي باسقارۋ جۇيەسى كۇشەيتىلدى، - دەيدى ۆەدومستۆو باسشىسى.

سونداي-اق س. نۇربەك قازىر ءوڭىر اكىمدىكتەرى جانىنان عىلىم جونىندەگى كەڭەستەر قۇرىلىپ، قاراعاندى، سولتۇستىك قازاقستان جانە تۇركىستان وبلىستارى وڭىرلىك گرانتتىق باعدارلامالار مەن عىلىمي سەسسيالارعا بەلسەندى قاتىسا باستادى. 2024-2026-جىلدارى وڭىرلەردە زەرتتەۋشىلىك ارتىقشىلىق ورتالىقتارىن قۇرۋ ءۇشىن 17 باعدارلاما ەنگىزىلەدى.

- قادىرلى ارىپتەستەر! قازاقستان عىلىمىنىڭ التىن قازىعىن ۇستاپ تۇرعان عالىمدارعا، زەرتتەۋشىلەرگە، وقىتۋشىلارعا شىنايى العىسىمدى بىلدىرەمىن. سىزدەردىڭ ەرەن ەڭبەكتەرىڭىز - ەلدىڭ ەرتەڭىنە سالىنعان بەرىك نەگىز، - دەپ قۇتتىقتادى عىلىم ءمينيسترى.

ايتا كەتەيىك، 10-ساۋىردە پرەزيدەنت قاسىم-جومارت توقايەۆ ەل عالىمدارىمەن باسقوسۋدا تاۋەلسىزدىكتىڭ العاشقى جىلدارىندا عىلىمعا باسا ءمان بەرىلمەگەنىن ەسكە سالدى. سونداي-اق مەملەكەت باسشىسى عىلىم سالاسىندا جەمقورلىق فاكتىلەرىنىڭ كوبەيىپ كەتكەنىن ايتتى.

بۇعان دەيىن نەگە زاۋىتتار عالىمداردىڭ اشقان جاڭالىعىن پايدالانۋعا اسىقپايدى دەگەن تاقىرىپقا شولۋ جاساعان ەدىك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى